funkcionalen-trening-nasproti-trening-za-sila_image
Споделете со пријателите!

И двете фитнес рутини добиваат сè поголема популарност, па доколку се двоумите што да вежбате, опишувањето на нивните разлики и сличности ќе ви помогне
Функционалниот тренинг припаѓа во групата на најновите светски фитнес трендови и се препорачува за подобрување на мускулната координација и издржливост. Уште еден од поновите трендови на вежбање кој дава слични резултати со овој вид на вежбање, а тоа е тренингот за сила. Сепак двете фитнес рутини не се идентични и имаат различна цел.

Функционален тренинг

Функционалниот тренинг е популарен бидејќи го подготвува телото за секојдневните активности и одговорности, преку низа на вежби коишто овозможуваат да ги извршуваме своите задачи лесно и ефикасно. Реквизитите потребни за функционален тренинг треба да бидат функционални и да му овозможат непречено движење на телото во сите правци. Овој вид на тренинг е идеален за зацврстување на централниот дел на телото, издржливост, зголемување на брзината, флексибилност, мускулна издржливост, како и засилување на кардиоваскуларниот систем. Потребни реквизити: кетбелс, специјални цврсти јажиња и валјаци за вежбање, топки „медицинки“, плоча за стабилност, тегови и шипки за вежбање, полутопки, ленти…

Неговите предности се:

  • Забрзување на метаболизмот;
  • Превенција при повреда и помош при рехабилитација;
  • Подобрување на држењето на телото;
  • Подобрување на функционалноста во извршување на секојдневните работи;
  • Прилагодлив за секоја старосна група и ниво на физичка подготвеност.

Тренинг за сила

Тренингот за сила (strength training) опфаќа повеќе видови на вежби како тежински тренинг, подигање тегови, склекови, стомачни и слично и е најчесто практикуван од страна на фитнес ентузијастите, односно оние коишто посериозно се занимаваат со бодибилдинг. Тренингот за сила превенира деменција, го дефинира и зацврстува телото, и го подобрува целокупно здравје. Овој вид на тренинг, исто така, ја одржува и витката линија.

Прочитајте:  Правете повеќе од 4.000 чекори дневно за го одржите здравјето на мозокот

Разлики

Тренингот за сила изолира индивидуални мускули за да го максимизира притисокот, односно нивното оптоварување. Функционалниот тренинг не се фокусира на само еден конкретен дел – туку сите мускули истовремено.

  1. Тренингот за сила најмногу располага со фиксни справи за вежбање, додека функционалниот тренинг се служи со мултифункционални реквизити.
  2. Тренингот за сила вклучува повторувачки статични движења, додека движењата во функционалниот тренинг се повеќедимензионални, интегрирани и комплексни, односно го вклучуваат цело тело.
  3. Движењата на функционалниот тренинг бараат контрола и координација на рамнотежата, како и брзина. Сите овие одлики не се присутни кај тренингот за сила.

Функционалниот тренинг е подобар од фиксните справи за вежбање, а освен тоа, и многу позабавен, бидејќи сте постојано во движење и се ангажирате ментално и физички во исто време. Во основа, сè зависи од тоа што сакате да постигнете. Доколку сакате да сте поагилни и поцврсти – вежбајте функционален тренинг, додека пак преферирате дефиниран изглед и поголема сила, тренингот за сила е вашето решение.


Споделете со пријателите!