brzina-preciznost-fleksibilnost-crossfit-izdrzhlivost-sila-mokj_image
Споделете со пријателите!

Фитнес режим особено популарен во последната деценија

Crossfit е движење кое стана особено популарно во последната деценија. Секој ден сè повеќе и повеќе станува дел од рекреативните и професионалните активности како и дел од нивниот фитнес тренинг.

„Првата сала за CrossFit е од 2000 година и се наоѓа во Санта Круз, Калифорнија

Ова е фитнес режим креиран од Грег Гласман во 2000 година. Првата и најоригинална CrossFit сала се наоѓа во Санта Круз, Калифорнија. Интересен е фактот што во прво време имало само 13 сали, а денес има повеќе од 13.000 сали кои се држат и го практикуваат овој режим и овој број од ден на ден само се зголемува. Првенствено, овој тип на тренинг бил наменет за рекреативците, како еден вид активност која првенствено ќе ја намали монотонијата на класичното вежбање, со истовремено подобрување на карактеристиките и перформансите на целото тело. Од самиот почеток, целта е да развие обука која ќе се фокусира на развојот на најважните физички способности со користењето на некои елементи, благодарение на одредени спортови, мешавина од аеробни вежби, интервален тренинг со висок интензитет, кревање на тегови, гимнастика, атлетика, веслање.

Постојат поделени мислења во врска со ова неодамнешно движење.

Поборниците на овој метод тврдат дека тоа е комбинација на сила и флексибилност, и дека тоа е одлично за добивање добро дефинирано тело. Од друга страна, противниците на овој метод велат дека овој режим може да доведе до бројни повреди, особено кај почетниците. Во суштина, двете страни се во право. Во секој случај, ова претставува фантастичен метод ако се изведува правилно. Во случај оние кои го применуваат а не ги почитуваат правилата и не ги извршуваат правилно вежбите, голема е веројатноста дека кај нив се зголемува ризикот за здобивање на некоја спортска повреда.

Друга важна компонента на овој метод е изградбата на карактерот, бидејќи целта е постојано да се поместуваат сопствените граници.

Со текот на времето, како што CrossFit-от станува се попопуларен и зазема се поголем замав, сите оние кои го практикуваат се помотивирани и нивниот пристап е поенергичен. Сепак, во споредба со вкупниот број, има релативно мал процент на оние коишто професионално се натпреваруваат. Тоа е многу тешко, бидејќи целта не е само тестирање на своите способности, самиот тој режим бара напорна работа, посветеност, знаење и одрекување за да може да се биде подеднакво добар и конкурентен во сите дисциплини

Прочитајте:  Балансирана исхрана - важен фактор за правилен раст и развој на Вашите деца

А која е најважната задача на CrossFit–от?

CrossFit е еден фантастичен вид на вежбање, наменет како за почетници така и за врвни спортисти, и истовремено безбеден, ако се извршува правилно, заедно со квалитетно обучени тренери, со чијашто помош заеднички се доаѓа до поместување на границите.

CrossFit е таму и ќе остане таму, во одличен стил. Поради оваа причина, и вие уживајте и добро обучете се за CrossFit–от . Ако сакате да станете попосветени во тоа, тогаш треба да бидете свесни дека треба да инвестирате многу повеќе време, како и за секој конкурентен, врвен спорт.

„No matter who you are, no matter what you do, you absolutely, positively do have the power to change“ – Bill Phillips


Споделете со пријателите!