trcanje-na-ladno-vreme
Споделете со пријателите!

Зимата и ладното време воопшто не треба да нè запрат да уживаме во својот омилен начин на вежбање – трчањето
Кога температурата паѓа и ладното време станува наше секојдневие, трчањето е можеби последното нешто што ни паѓа на памет. Но, доколку тоа е вашиот омилен начин на вежбање и избистрување на главата, не се откажувајте. Трчањето на ладно време може да ве исполни сo енергија, да ви го подобри расположението и секако, да ве држи во форма до топлите денови. Но, еве и некои дополнителни причини зошто трчањето на ладно време е добро за вас.

Трчање на ладно време е подобро од трчање на топло време

Трчањето на ладно време е добро за нас поради помалиот топлотен стрес кој би го почувствувале. Ова ни го олеснува трчањето. За разлика од ладното време, трчањето на топло време може да го оптовари нашиот организам. Но, не заборавајте да се облечете правилно. Облекувајте се во слоеви. Првиот слој е вообичаена облека за трчање (топ, шорцеви, хеланки под шорцевите) направена од лесен, синтетички материјал кој нема да ја задржува влагата од потта, за разлика од памукот. Следниот слој би зависел од времето. Доколку е ветровито и врнежливо може да носите и лесна водоотпорна јакна, која може да ја заврзете околу половина доколку ви стане топло.

Не заборавајте да ги заштитите рацете со ракавици и главата со капа за да ги одржувате топли и да не ја губите топлината.

Потребни ќе ви бидат и соодветни патики за трчање. Облеката треба да биде лесна за да не ви го отежнува трчањето и дополнително да ве заморува. Но сепак, доколку температурата падне под нулата или ако дува силен ветер можеби ќе биде подобро да се одлучите за трчање на лента во затворена просторија.

Прочитајте:  Физичка активност и менструален циклус

Одржување на тежината во текот на зимата

„Запомнете дека и покрај ладното време вие ќе губите течности преку потење, па затоа е многу важно да пиете доволна количина на вода“

Доколку не можете да замислите поинаков начин за одржување на тежината во текот на зимските месеци, тогаш сигурно сте љубител на трчањето. Никогаш нема да ви биде досадно, бесплатно е, и што е најважно ќе ве одржи во топ форма. Сите ние имаме навика да јадеме повеќе за време на зимските месеци, па зимското трчање може да ни помогне дури и да ја намалиме тежината. Нема потреба да чекаме времето да се стопли за да излеземе да трчаме. Запомнете дека и покрај ладното време вие ќе губите течности преку потење, па затоа е многу важно да пиете доволна количина на вода пред, за време и после трчањето за да го избегнете ризикот од дехидратација.

Трчањето го подобрува депресивното расположение во зима

Расположението за време на ладните денови во зима може да стане доста депресивно. Но, трчањето помага да се ослободат хормони кои се борат со оваа состојба и го подобруваат расположението и нивото на енергија за време на ладните месеци. 

Сепак, пред да излезете надвор и да се препуштите на вашата следна омилена зимска активност консултирајте се со лекар.

Ладниот воздух може да предизвика болки во градите или напад на астма. Затоа проверете дали вашето здравје е во добра форма за вежбање во надворешни услови кога времето е ладно и ветровито.


Споделете со пријателите!