Споделете со пријателите!
Нема повеќе парфеми од типот „Џек Пот“ и „Афтер баскет“
Сигурно сте имале ситуација кога влегувате во лифт (или во некој друг мал и затворен простор), а телесниот мирис на човекот кој се возел пред вас, сè уште виси во воздух. Неописливо чувство, нели? По сè изгледа дека на ваквите ситуации им се гледа крајот. Група истражувачи од универзитетот „Квинс“ од Белфаст, Ирска, создадоа парфем кој ја засилува својата арома кога е во комбинација со влага (на пример пот), а истовремено го отстранува лошиот мирис. Овој парфем функционира поинаку од другите спрејови.
Тоj е направен од јонска течност и во нормална ситуација е без мирис. Но, кога течноста доаѓа во контакт со влага, го ослободува мирисот што го содржи. Не само тоа, туку и тиолските честички (thiol particles) кои го предизвикуваат лошиот мирис на пот се привлечени од јонската течност, која ги затвора овие честички во неа, а со тоа тие ја изгубат својата сила (или смрдеа 
). Истражувачите веќе работат на правење на комерцијален парфем врз основа на нивното откритие, но тие, исто така, веруваат дека овој метод може да биде корисен во науката за бавно ослободување на други „супстанции на интерес“ и се претпоставува дека оваа технологија може да се искористи кај некои видови на лекови.
Споделете со пријателите!
