Нов тест може ги да открие речиси сите вируси кои ги напаѓаат луѓето и животните: Ебола, Марбург, Норовирус, Ротавирус… Истражувачите веруваат дека овој тест ќе биде барем делумно корисен кај состојбите и случаите кај кои причината за појавата на болеста е непозната.
Познато е дека дури и повеќе од илјадници вируси предизвикуваат разновидни заболувања кај луѓето и животните и нивното рано и точно откривање може да биде долготрајно и скапо, по пат на многу тестови. Истражувачите од САД, поточно од Универзитетот во Вашингтон, Факултетот по медицина од Св. Луис – Washington University School of Medicine in St. Louis развија нова технологија – тест наречен ViroCap кој може да открие секакви вируси, вклучувајќи и тежок акутен респираторен синдром (SARS). Д-р Грегори Сторч – Gregory Storch професор по педијатрија и главен автор на студијата, изјави дека со помош на овој нов тест, не мора точно да се знае што се бара, бидејќи тестот ја открива присутноста дури и на мали количества разновидни вируси.
Д-р Грегори исто така истакна дека овој тест ќе биде барем делумно корисен кај состојбите и случаите кај кои причината за појавата на болеста е непозната.
Ниту еден друг тест до сега не бил доволно осетлив за да открие ниски нивоа на вирусни паразити. Исто така, многу од досегашните стари тестови за детекција на вируси се ограничени на откривање само на оние вируси за коишто се предвидува дека постојат во телото на пациентот и се причина за болеста. Тестот ViroCap исто така може да се употреби за да се откријат честите вируси кои предизвикуваат сериозни гастроинтестинални инфекции, како норовирусот или ротавирусот, истакна Medical News Today.
Научниците го оцениле овој нов тест земајќи два сета на примероци за испитување, на пример од назален секрет, од столица и крв од пациенти од Детската болница во Св. Луис – St. Louis Children’s Hospital. Стандардните тестови откриле вируси кај 10 од 14 пациенти, додека пак, новиот тест откри постоење на вируси и кај останатите четири деца, кај кои стандардните тестови не покажаа позитивен резултат. Вирусот Варицела-зостер (Varicella-zoster), вирусот херпес 1, парековирусот (parechovirus) и грипот тип Б, се вирусите коишто не биле откриени со помош на стандардните тестови. Во друга група деца со необјасниво покачена телесна температура, стандардните тестови откриле 8 од 11 вируси, додека пак, новиот тест ViroCap открил други седум вируси.
Еден од авторите на студијата Тод Вајли – Todd Wylie изјави: „Овој тест е толку осетлив што може да детектира варијации од вирусите коишто се генетски многу слични. Дури и малата генетска варијација кај вирусите, често пати не може да биде откриена со помош на постоечките достапни тестови и тоа ја отежнува способноста на лекарот да ги детектира сите варијации на вирусите со само еден тест“.
Сепак и покрај досегашната успешност на ова откритие, точноста на ViroCap тестот е неопходна детално да се проучи со понатамошни научни студии, што значи дека веројатно ќе поминат уште неколку години пред истиот да биде клинички достапен за широка употреба.
