nuklearna-medicina_image
Споделете со пријателите!

„Добијте уште половина живот: изотопите како херои на модерната медицина“ е насловот на неодамнешното предавање одржано од д-р Пол Шафер кој сака на сите да им ги објасни достигнувањата на нуклеарната медицина
Д-р Пол Шафер – Paul Schaffer е заменик директор на лабораторијата на TRIUFM (Канадската национална лабораторија за честички и нуклеарна физика и наука базирана на акцелератор) на одделот за биолошки науки. Тој неодамна одржа јавно предавање на Институтот Perimeter за теоретска физика, околу достигнувањата на нуклеарната медицина, односно за тоа како акцелераторите се користени за развој на дијагностички и терапевтски медицински алатки и техники. 

Во поучната книга за научните достигнувања на Мајкл Хилцик – Michael Hiltzik насловена „Голема наука: Ернст Лоренс и пронајдокот којшто го започна воено-индустрискиот комплекс“ – Big Science: Ernest Lawrence and the Invention that Launched the Military-Industrial Complex објаснета е употребата на акцелераторите. Лоренс го изградил првиот акцелератор за честички и започнал ланец од технолошки достигнувања што нè одвел многу далеку.

Постојат многу разновидни употреби на акцелераторите надвор од науката за честичките.

Сепак, изненадува фактот што читајќи ја книгата на Хилцик се открива дека медицинските примени се појавиле многу рано во програмите на Лоренс во Баркли, Калифорнија. Несомнено се чини дека тие одиграле значајна улога слична на онаа со основните физички истражувања во поттикнувањето на мотивот за поголеми и подобри машини.

Патем, машините за Нуклеарната магнетна резонанца – NMR се преименувани во Скенирање со магнетна резонанца (Magnetic Resonance Imaging – MRI) поради тоа што зборот „нуклеарна“ ги вознемирува луѓето.

„Ние сме одговорни за производството на радиоактивните лекови и радиоактивни трагачи што ги користиме за проучување на појавата, а потоа и прогресијата на болеста. Како научник јас морам да креирам, морам да измислувам. Ние ги истражуваме новите лекови, новите биохемиски патеки и новите апликации на изотопите во науката и медицината. Јас сметам дека предавањата се многу забавни, бидејќи тие ми даваат шанса да комуницирам со луѓето од различни слоеви и да им објаснам зошто го прават она што го правам“ – објаснува д-р Пол Шафер. Тој вели дека многу го исполнува возбудата предизвикана од науката што ја гледа кај другите индивидуи.

Прочитајте:  Зошто некои луѓе се зависници од адреналин?


Споделете со пријателите!