Десерт кој може да го јадете и за појадок
Лесно можете да направите тарт само од тесто и јаболка и несомнено ќе биде многу вкусен, без оглед дали ќе го зачините со цимет, каранфилче или ѓумбир (или сите три) и ќе го засладите со бел или кафеав шеќер или мед. Но, исто така, можете под редот јаболка, да наредите кришки сирење бри – brie. Е тогаш ќе добиете нешто друго, нешто што би можело да се јаде и за појадок.
- 2 шолји брашно (од кои 1 – 2 лажици пченкарно, а останатото сенаменско или мешано интегрално и сенаменско);
- 1 лажица шеќер;
- 120 г путер, ладен, исечен на коцки;
- 2 – 3 лажици павлака;
- 2 – 3 лажици ладна вода (или колку е потребно).
Измешајте ги брашното и шеќерот, па додајте ги коцките путер и мешајте со прсти или со блендер за тесто додека не се направат зрнца. Додавајте ја павлаката заедно со една по една лажица ладна вода и мешајте го тестото сé додека не успеете да ги споите зрнцата во топка тесто. Ставете го тестото во фрижидер додека го подготвувате филот.
Тестото може да се направи и неколку дена однапред и да стои во фрижидер додека не ви притреба, или да се замрзне на подолго време.
Развлечете го тестото со сукало, врз малку побрашнета површина и префрлете го во тавче со пречник од 20-25 см., премачкано со путер. Притиснете го на дното и на страните од тавчето. Или пак, исечете го тестото на кришки со дебелина од околу 1 см., натапкајте ги и спојте ги на дното и страните од тавчето.
- 250 г сирење бри;
- 1 големо јаболко;
- 1 лажица кафеав шеќер.
Исечете ги сирењето и јаболкото на кришки. Врз тестото прво рамномерно наредете гo сирењето, па врз него јаболкото. Посипете го јаболкото со кафеав шеќер и ставете го тартот да се пече во рерна загреана на 200°C, околу 40 минути. Оставете го малку да се олади пред да го послужите, ама сепак послужете го топло, додека сирењето е сé уште стопено и малку растечено.
* рецептите со во целост преземени од ситно сецкано
