Преку трансакција вредна 125 милиони евра групацијата групацијата „Орка Холдинг“, и турскиот здравствен гигант „Аџибадем“ ја купија најголемата приватна здравствена установа во Р.Бугарија со што ги поставија темелите на една од водечките здравствени институции во Централна и Источна Европа
Групацијата „Орка Холдинг“, преку Клиничката болница „Аџибадем Систина“, заедно со турскиот здравствен гигант „Аџибадем“ вчера потпиша договор за купување на најголемата приватна здравствена установа во Р. Бугарија, јапонската болница „Токуда“, заедно со нејзините подружници „Токуда Груп“. Партнеритесг потпишаа и договор за спојување со „Сити Клиник“, вториот здравствен оператор во Р. Бугарија, со три болници и три амбулантски центри.
Преку трансакцијата „Токуда“, компаниите ги преземаа 100 отсто од акциите на „Токуда Груп“, додека трансакцијата „Сити Клиник“ е комбинација од преземање на речиси една третина од уделите на постојните акционери, и промена на акциите на оперативите партнери во новиот комбиниран ентитет. По трансакцијата, 76.5 отсто од акциите на новоформираниот холдинг (SPV) припаѓаат на „Аџибадем“ и „Орка Холдинг“ – преку „Аџибадем Систина“, а 23.5 отсто на акционерите на „Сити Клиник“.
Вредноста на трансакцијата и на новонастанатата компанија е 125 милиони евра.
„Со постојана заложба за квалитетно и модерно здравство ги подигнавме стандардите за здравствена грижа во Македонија. Следејќи ги светските достигнувања и трендови во обезбедување на најсовремена грижа за пациентите, ќе продолжиме да бидеме синоним за најдобра клиничка болница во Македонија, а од денес без сомнение, ќе се залагаме за постигнување на тие достигнувања и во Р. Бугарија“ – изјави генералниот директор на „Орка Холдинг“, господинот Јордан Камчев на вчерашното потпишување. Исто така, тој најави дека во стратегијата на „Аџибадем“ и „Орка Холдинг“ во период од две години, се планира отворање на четири болници во земјите на Балканот.
