pica-so-integralno-brashno_image
Споделете со пријателите!

За денес ви подготвивме пица на еден поинаков начин
Рецептот за пица со интегрално брашно е здрав и многу вкусен. Ако прв пат правите пица со интегрално брашно, направете го рецептот со пола обично, пола интегрално, за да видите дали вкусот ќе ви се допадне.

  • 500 гр. брашно (250 гр. обично и 250 гр. интегрално или 125 гр. обично и 375 гр. интегрално)
  • 1 свеж квасец или 1 кесиче сув квасец
  • 45 мл. маслиново масло
  • 350 мл. топла вода
  • 2 лажичиња шеќер или мед
  • 1 лажиче сол

Доколку користите свеж квасец, растопете го во голем сад со водата и шеќерот или медот и оставете го на топло место, покриен со крпа околу 10 минути. Потоа додајте ги останатите состојки и прво со лажица, па потоа со раце измешајте го тестото. Ако користите сув квасец измешајте сé одеднаш. Измесете го тестото околу 2-3 минути, формирајте го во форма на топка и вратете го во големиот сад. Измачкајте го со масло од сите страни, и покриено со крпа, оставете го да нарасне барем 30 мин на собна температура или на топло.

Ако тестото сакате да го користите следниот ден или после 6-8 часа, ставете го во фрижидер покриено со крпа веднаш штом ќе го оформите во топка. Ако сакате да го замрзнете тестото, откако ќе нарасне за 30 мин. измесете го околу 1 минута, завиткајте го во пластична фолија, па ставете го во пластична кеса и замрзнете го. Кога ќе ви треба тестото, извадете го од кесата и фолијата и ставете го во поголем сад на собна температура да се одмрзне околу 8 часа. Потоа измесете го и формирајте ја пицата.  Ако правите пица откако тестото било во фрижидер, извадете го надвор околу еден час претходно, и веднаш измесете го, па оставете го да се стопли еден час и потоа продолжете со правењето на пицата.

Прочитајте:  Чворчиња со лукче

Ако правите пица веднаш, по 30-тина минути, измесете го тестото неколку минути и со сукало исукајте го во големина на тавчето кое ќе го користите. Тавчето покријте го со хартија за печење и рерната загрејте ја на 250°C. Префрлете го тестото во тавчето и покријте ја пицата со сос од домати и други состојки по избор. Можете да додадете шунка, чајна, кашкавал, кромид, лута пиперка и сланина, а може и ананас од конезерва. Пицата печете ја околу 12 минути, додека тестото не е сосема испечено одоздола. 

* рецептите со во целост преземени од ситно сецкано


Споделете со пријателите!