svetskata-zdravstvena-organizacija-vo-sudir-dea-za-soedinenieto-kanabidiol_image
Споделете со пријателите!

Според Експертскиот комитет на светска здравствена организација за зависност од дроги, употребата на канабидиол нема „психоактивни“ ефекти и не треба да биде регулиран на меѓународно ниво. Според прелиминарниот изштај на СЗО проучувања говорат за неговите потенцијални терапевтски придобивки, и неговата употреба треба да се остави на законска регулација на секоја држава поодделно.
Експертскиот комитет на светска здравствена организација за зависност од дроги (ECDD) кој се состанува еднаш годишно, се состана во ноември за да разгледа неколку психоактивни супстанции, вклучително и новите. Целта беше да се направи препорака дали тие треба да бидат ставени под меѓународна контрола. Психоактивните супстанции, се синтетички супстанции развиени за да произведат ефекти врз централниот нервен систем слични на оние на другите психоактивни супстанции, како што се опиоиди, канабис или амфетамини. Канабидиол, исто така беше разгледан на овој состанок.

„Законската употреба на Канабидиол е извор на конфузија со години.“

Во првичниот преглед на постоечките истражувања, СЗО откри дека соединението, наречено канабидиол, „обично е добро толерирано со добар безбедносен профил“, според извештајот од ноември. Покрај тоа, соединението се чини дека нема „никакви ефекти што укажуваат на каква било злоупотреба или потенцијал за зависност“, се вели во извештајот. Сепак, во него е додадено дека иако „беше утврдено дека канабидиол има релативно ниска токсичност… не се истражени сите потенцијални ефекти“. Поопсежен преглед на комплексот ќе се изврши во 2018 година, според изјавата на СЗО .

Претставник на СЗО за Њусвик изјави дека извештајот „не вели дека СЗО препорачува употреба на канабидиол“.

Напротив, прегледот беше спроведен како одговор на интерес од „земјите-членки“, или земји кои се дел од СЗО.

„Одговарајќи на тој интерес и зголемување на употребата, СЗО во последниве години собра повеќе научни докази за терапевтска употреба и несакани ефекти на канабис и неговите компоненти“, се вели во соопштението на СЗО. Според Експертскиот комитет на светска здравствена организација за зависност од дроги, употребата на канабидиол не треба да биде регулиран на меѓународно ниво, и дека ова треба да се остави на законска регулација на секоја држава поодделно.

Прочитајте:  Прашината од Сахара e сериозен аларм за болните од астма

Заклучокот е дека сегашните информации достапни за ова соединение не го оправдуваат распоредувањето на соединението како контролирана супстанција.

Потенцијални бенефити на канабидиол?

За разлика од тетрахидроканабинолот (ТХЦ), кој е уште едно соединение пронајдено во марихуаната, Канабидиол нема „психоактивни“ ефекти и за него се направени проучувања кои говорат за неговите потенцијални терапевтски придобивки.

Во извештајот на СЗО е констатирано дека Канабидиол може да има одредена терапевтска вредност за епилептичните напади и слични состојби, како и дека постојат прелиминарни докази дека може да биде корисен третман за голем број други медицински состојби.

Конфузија која трае со години

Законската употреба на Канабидиол е извор на конфузија со години. Според Американската федерална агенција одговорна за спроведување на законите и прописите со кои се регулираат наркотиците.

Канабидиол е соединение кое спаѓа во група I Иако е не-психоактивна состојка во марихуаната. Управата за борба против дрога во 2016 нагласи дека сеуште е незаконска и сеуште е супстанца која спаѓа во група1, заедно со дроги како хероин и ЛСД. ДЕА (Американската федерална агенција одговорна за спроведување на законите и прописите со кои се регулираат наркотиците) не препознава разлика помеѓу Канабидиол и марихуана.

Бидејќи марихуаната е наркотик од Распоред I, ДЕА ретко одобрува истражување за неа. И покрај тоа што многу држави ја легализираат за медицинска и рекреативна употреба, таа останува нелегална на федерално ниво.


Споделете со пријателите!