denot-420_images
Споделете со пријателите!

Денес се слави Денот на марихуаната
„Денот 420“ или 20 април, е ден кој го слават милиони уживатели и поддржувачи на марихуаната ширум светот. Славењето на овој празник претставува дел од урбаната супкултура, и на овој ден се одржуваат големи собири и прослави. Иако поддршката за легализација на марихуаната постојано расте, таа е сè уште нелегална дрога во многу земји. Токму затоа, дел од настаните што се одржуваат во деловите од САД каде што марихуаната е нелегална, се од политичка природа и се залагаат за легализација. 

Македонија е 14 земја во Европа која го легализираше канабисот, но само за медицински цели.

Приказната за бројот 420 или кодот 420 (four-twenty), датира од 1971 година кога група на тинејџери од Калифорнија кои што се нарекувале „The Waldos“ започнале да го користат 4:20 како шифра која означувала време за пушење марихуана. Овој период од денот бил договорен знак дека ќе пушат марихуана зад училиштето.

Интересен тривиа податок е дека знаковите кои што го содржат бројот 420 се едни од најчесто крадените знаци.

Други теории за потеклото на симболот 420:

  • 420 е полициски код на калифорниската полиција што означува „пушење марихуана“;
  • 420 е бројот на активни хемикалии во марихуаната;
  • 4:20 е време кога уживателите на канабис во Холандија пијат чај.

Сите овие теории за потеклото на 420 се сметаат за неточни.

Бројот 420 има и многу референци во урбаната култура, како на пример во култни филмови (сите часовници во филмот Pulp Fiction означуваат 4 часот и 20 минути), поврзување со познати музичари (датум на одбележување на годишнината од смртта на Боб Марли) и историски личности (датум кој го означува роденденот на Хитлер). Станува збор за урбани легенди, бидејќи ниедна од овие референци не е точна. 

Во 1970 година, едно субкултурно движење го присвоило симболот на марихуаната како симбол за протестирање против пошироки проблеми поврзани со политичкиот систем на САД, како учеството на Америка во војни и за моќта на корпорациите. Со легализацијата, симболот на марихуаната сè повеќе станува дел од мејнстрим културата, бидејќи големи компании и корпорации започнуваат со производство и продавање на марихуана.

Легализацијата на марихуаната го претвора „Денот 420“ во комерцијален празник

Според последните анкети направени во Америка, 53 проценти ја поддржуваат легализацијата, на 82 проценти не им пречи луѓето да ја користат за лични цели во нивниот дом, додека 62 проценти се изјасниле дека им пречи пушење марихуана во јавност.

denot-420_images1

По 20 април, следи празникот 4/21 или „Ден на изненадно тестирање од марихуана“ на вработените од страна на нивните работодавачи. Овој празник претставува пародија која пред неколку години започнала како шега на социјалната мрежа „Твитер“.


Споделете со пријателите!