Марихуаната не може да ве натера да заборавите што веќе знаете.
Меморијата е нашата способност да ги зачуваме информациите и знаењата за да можеме подоцна успешно да се повикаме на нив употребувајќи ги во нашето секојдневие со единствена цел – користење на минатото учење, а со помош на нашето досегашно искуство полесно ќе можеме да го обликуваме нашето однесување. Меморијатата е водечката причина што сѐ уште можеме да ја отсликаме куќата во која пораснавме и другите искуства што ги имавме пред неколку години. Таа е мошне комплицирана, а во неа се вклучени многу невролошки механизми.
Но, какви се видови на меморија постојат?
Сепак, постојат многу различни начини за поделба на меморијата. Можеби сте слушнале за работна меморија, вербална меморија или процедурална меморија. Според сценскиот модел на меморија, меморијата може грубо да се подели на три вида: сензорна, краткорочна и долгорочна меморија.
Истражувачите фрлија поглед на тоа како канабиноидите влијаат на мозокот како би можеле да предизвикаат губење на меморијата. Според Националниот институт за злоупотреба на дроги (NIDA), има повеќе од 100 различни типови.
Канабиноидите се хемикалии присутни во марихуаната, како и синтетички форми на лекот. Истражувачите одамна сугерираат дека марихуаната може да предизвика губење на меморијата. Сега, нова студија дава увид во оваа асоцијација, откривајќи како канабиноидите во лековите ги активираат рецепторите во митохондриите на меморискиот центар на мозокот и како тие можат да предизвикаат амнезија. Водачот на студијата д-р Џовани Марсикано од Универзитетот во Бордо во Франција заедно со својот тим веруваат дека нивните наоди објавени во списанието „Природа“ може да доведат до развој на нови терапевти што се однесуваат на канабиоидните рецептори, без пропратен ефект на губење на меморијата.
Студиите секојдневно ни покажуваат дека луѓето кои секојдневно пушат марихуана во времетрење од пет или повеќе години имале послабо вербално сеќавање во средната возраст од оние кои помалку или воопшто не пушеле марихуана, вклучувајќи го и главното психоактивно соединение делта-9-тетрахидроканабинол (THC).
Бидејќи ТХЦ и други канабиноиди кои се присутни во марихуаната и синтетичките форми се слични на канабиноидите кои се јавуваат во природата, тие се способни да се врзат со канабиноидните рецептори лоцирани во невроните и да активираат одредени региони на мозокот. Овие канабиноиди се слични во структурата на канабиноидите кои се јавуваат во организмот природно, како што е анандамид. Природните канабиноиди функционираат како невротрансмитери – тие испраќаат сигнали помеѓу нервните клетки или невроните, кои влијаат врз различни мозочни региони, вклучувајќи ги и оние кои се одговорни за емоции, движење, координација, сетилна перцепција, меморија и размислување. Кога пушите марихуана, ТХЦ и другите хемикалии влегуваат во крвотокот и патуваат до мозокот. Кога ќе пристигнат овие хемикалии до мозокот, почнуваат да ја менуваат функцијата на меморијата со активација на ендоканабиноидниот систем. Овој биолошки систем е сложено поврзан со делови од мозокот кои се тесно поврзани со меморијата. На пример, CB1 рецепторите, кои реагираат на THC, се наоѓаат во структурата на мозокот позната како хипокампус.
Хипокампусот е местото каде што повеќето од вашите спомени се обработуваат и складираат.
Како што луѓето стареат, ги губат невроните во хипокампусот, што ја намалува нивната способност да учат нови информации. Хроничната изложеност на ТХЦ може да го забрза губењето на хипокампалните неврони поврзани со стареењето. Всушност, ендоканабиноидниот систем функционира како помош за гаснење на спомените, помагајќи да заборавиме на лошите спомени и негативните искуства.
Како марихуаната е клучен фактор во афекција на процесот на сеќавање?
Нејзините краткорочни ефекти
Користењето на марихуаната има непосреден, но привремен ефект врз вашата краткотрајна и долгорочна меморија. Тестирајќи го мозокот на корисниците кои се под влијание на марихуана ни покажува оштетувања во нивната краткотрајна меморија, како и недостатоци во нивната способност да формираат нови, долгорочни спомени – велат експертите. Сепак, тие немаат никакви проблеми да се потсетат на постоечките спомени, што значи дека марихуаната не може да ве натера да заборавите што веќе знаете. Со други зборови, влијанието на марихуаната врз долгорочната меморија е ограничено на формирање на нови сеќавања.
Нејзините долгорочни ефекти
Не е тешко да се заклучи дека долгорочните корисници на марихуана имаат тенденција полошо да реагираат од луѓето кои никогаш не пушеле, споредувајќи ги нивните тестови на работна меморија и вербална меморија. Ова значи дека честите корисници на марихуана имаат проблеми со чување на информации и потсетување на вербални информации. Се наметнува едно важно прашање, дали овие ефекти се перманентни и дали мемориската функција се враќа во нормала со текот на времето? За жал, студиите не се многу јасни во одговорот. Во извештајот од 2016 година, осврнувајќи се на минатото истражување, заклучува дека ефектите од тешката употреба на канабис во процесот на сеќавање може да траат и по продолжената апстиненција. Сепак, една студија од 2017 година го најде токму спротивното. Истражувачите ги споредија долгорочните корисници на марихуана кои сеуште ги користеа за оние кои беа на апстиненцијален период од 3 месеци. Тие откриле дека поранешните тешки пушачи не покажале оштетувања во меморијата, во споредба со значителни нарушувања кај оние кои се уште продолжиле да пушат. Експертите сугерираат дека спротивставените наоди може да одразуваат две подгрупи: некои луѓе полесно можат да закрепнат од ефектите од канабисот врз меморијата по напуштањето, додека други не.
Врската помеѓу марихуаната и меморијата е сè, но едноставна.
Различни видови, дозирање, толеранција и генетика се смета дека играат улога во тоа како марихуаната влијае на меморијата. Некои студии сугерираат дека овие ефекти може да бидат трајни, но други покажуваат дека корисниците ја повраќаат меморијата по напуштањето на марихуаната. Но, марихуаната нема да те натера да заборавиш нешто што веќе го знаеш.
Меморијата е сè она што сме… Нашите моменти и чувства, нанижани на филаменти на разумот.
