037537-000004
Споделете со пријателите!

Сакате да патувате и воопшто не се плашите од летање, мачнини, стомачни тегоби или вируси. Сепак, бидете подготвени дека при средба со нова средина, може да се разболите од…разочарување
На прагот на патувањата и летните одмори, корисно е да се информирате дека токму патувањата можат да го нарушат вашето ментално здравје. Сте слушнале ли за специфичната состојба која ги зафаќа туристите кои ја посетуваат Светата земја, Ерусалим?

„Заболените од овој синдром носат бела наметка и се однесуваат просветлено

Ерусалимскиот синдром најмногу ги зафаќа религиозните луѓе, а се одликува со однесување на поединците како да се светци и реинкарнација на Исус, Богородица или некој друг пророк. Под влијание на мистиката на Светата земја, заболените од овој синдром облекуваат бела наметка и се однесуваат „просветлено“. Издвоени се три типа на луѓе кои што патат од Ерусалимски синдром.

Два типа се поврзани со претходна историја на ментална болест и шизофренија, додека најинтересна е третата група, која се состои од целосно здрави луѓе, туристи, кои што се просветлуваат додека се во посета на Ерусалим, проследени со сцени нетипични за нив и нивното однесување. „Просветлените“, после неколку третмани во болница, продолжуваат со животите како ништо да не се случило. Најголем број од третата група туристи, се луѓе кои доаѓаат од многу религиозни семејства и имаат своја лична и идеализирана претстава за тоа како изгледа Светата земја.

Проблемот се создава кога ќе видат како функционира Ерусалим во реалноста.

Тогаш, од преголемиот шок, ги зафаќа лудило од кое не само што може да завршат во болница, може да завршат и во затвор. Денес сè помалку луѓе патат од овој синдром, а експертите сметаат дека намалувањето на нивниот број е заради употребата на интернетот кој не остава многу на имагинацијата, односно заинтересираните можат предвреме да се информираат што да очекуваат.

Прочитајте:  Добрите и лошите страни на климатизерите

Ерусалимскиот синдром е инспирација за проектот на уметницата Катарзина Козира „Барајќи го Исус“ која прави интервјуа со лица кои што во 21 век сметаат дека се Исус.


Споделете со пријателите!