Разбудете се одморени како никогаш претходно
Луѓето кои работат како доктори, медицински сестри, менаџери или се на било каква работна позиција која бара работење во неколку смени и ротирање на истите, се соочуваат со недостаток на сон и квалитетен здрав живот. Жртвувањето на здравјето поради работата не е ретка појава, но сите кои работат работни позиции со ноќна смена, се жртви на проблемите со спиењето поради нарушениот биоритам.
Голем дел од луѓето кои работат ноќна смена, како и студентите кои учат ноќно време, се соочуваат со состојба која е позната како „синдром на работењето во смена“. Овие луѓе не можат да заспијат лесно, ниту пак да спијат доволно долго за да се одморат и често се будат после неколку часа. Бессоните ноќи се нивно секојдневие.
Иако оваа појава може да изгледа како несоница, сепак разлика постои. Кај синдромот на работењето во смена станува збор за недостаток на сон кај луѓето кои работат во смени (или кај студентите со нарушен биоритам) и е директно врзан со животниот ритам и распоредот на индивидуата. Што значи, ако личноста се врати на регуларниот дневен распоред, симптомите ќе исчезнат.
Несоницата од друга страна, може да се појави како резултат на зголемено ниво на стрес, анксиозност, лоши навики на спиење, животни промени, психолошки нарушувања итн. И тука се јавува обратна ситуација, лицата кои страдаат од несоница имаат потешкотии во работењето во смени.
Несоницата се јавува во неколку форми, но најрелевантна за овој тип на луѓе е минливата несоница која се поврзува со пречки во вообичаениот начин на живот. За вакви полесни форми на несоница се препорачува нефармаколошка терапија со совети за хигиена на спиење. Во добрите навики за спиење спаѓаат: легнувањето и будењето во исто време секој ден, избегнувањето попладневна дремка, избегнувањето кофеин, никотин и алкохол пред спиење. Се препорачува здрава исхрана, редовна физичка активност и спиење во ладна и темна соба на удобна постела.
Доколку нема резултати од примената на хигиената на спиење, се пристапува кон фармакотерапијата.
Меѓутоа, недостаток на овој третман е тоа што лековите од групата на хипнотици кои се препорачуваат за регулирање на сонот се со краток период на употреба поради создавањето зависност. Од оваа причина, создадени се нови производи на природна база кои се многу побезбедни за рана употреба во лекувањето на несоницата. Нивна предност е тоа што не предизвикуваат зависност.
Во контекст на природната терапија на несоницата, како решение се препорачуваат таканаречените додатоци во исхраната на природна база како комбинација од неколку билки кои придонесуваат за смирување и полесно „паѓање“ во мирен целовечерен сон. Во оваа група на препарати би се издвоиле лековите со екстракти од маточина и валеријана како природни седативи кои го подобруваат расположението и меморијата и помагаат за квалитетен сон. Капсулите Дормирин, како новитет на пазарот, се едни од најефикасните суплементи на природна база кои ги содржат вие две билки, но и уште една друга состојка а тоа е мелатонинот како одговорен за регулирање и чување на сонот. Мелатонинот е „чудесен“ хормон кој го регулира нашиот дваесетичетири часовен ритам, така што ноќе не чини поспани, а преку ден со своето отсуство ни овозможува будност и одмореност.
Овие капсули се препорачуваат кај сите возрасни групи со високо ниво на стрес, кај лицата кои често патуваат и кај луѓето кои имаат нарушен биоритам поради работата во ноќни смени.
Д-р Лазар Ордевски
