rabotenjeto-vo-smeni-moze-da-vlijae-vrz-vaseto-zdravje
Споделете со пријателите!

Ако сте дел од луѓето кои работат во смени, прочитајте што можете да направите за да си помогнете
Работењето во смени може да има опасности по вашето здравје. Кога човекот работи во текот на ноќта, а спие во текот на денот, тоа може да го наруши деноноќниот ритам на телото. Исто така, тоа може да биде причина за намалено лачење на хормонот што е „виновник“ за квалитетниот сон, мелатонинот. Овие работи придонесуваат за намалување на квалитетот на сонот, а според некои научници недостатокот на квалитетен сон може да се поврзе со некои заболувања како дијабетес, прекумерна тежина, срцев удар, итн.

„По будењето обрнете внимание на дишењето и ако имате време посветете неколку минути на истегнување на мускулите“

Иако никој не би сакал да си го наруши своето здравје, понекогаш немаме избор кога станува збор за работењето во смени. Како што рековме, нарушениот деноноќен ритам може да влијае врз квалитетот на сонот, а да не зборуваме за други дополнителни фактори кои исто така може да бидат причина за недостаток на сон како на пример, грижата за вашето новороденче. Ако се наоѓате во ваква ситуација, постојат некои работи кои се препорачува да ги направите за да си го вратите сонот и вистински да се одморите додека спиете.

Туширањето со топла вода, пиење топло чоколадо или чај, слушање на музика се дел од рутините пред спиење кои можат да ве релаксираат за поквалитетен сон.

Кога работите во смени, често не знаете кога ќе можете вистински да се одморите и да се релаксирате. Но, без разлика кога е вашето време за одмор можете да направите некои едноставни работи за да си помогнете да заспиете и убаво да се одморите. Пред да одите да спиете, препорачливо е да си направите некаква рутина која ќе ве релаксира. Туширање со топла вода, пиење чај или топло чоколадо и слушање музика се само дел од многуте работи кое може да ги направите за да се релаксирате. Исклучете ги телевизорот и компјутерот и затемнете ја просторијата за да ја блокирате дневната светлина. Вдишувајте преку носот, а издишувајте преку устата. Сето ова би требало да ви помогне да заспиете полесно и да ви го подобри квалитетот на сонот кога се соочувате со нарушен деноноќен ритам.

Прочитајте:  Петте фази на тага по смртта на некој близок

Кога ќе се разбудите, повторно обрнете внимание на дишењето и ако имате време посветете неколку минути на истегнување на мускулите. Потоа продолжете со понатамошните обврски што ве очекуваат. Кога станува збор за оброците, јадете помали оброци почесто за да имате енергија. Јадете повеќе овошје и зеленчук, сложени јаглехидрати, протеини и пијте големи количини на вода. Се препорачува кафето или енергетските пијалаци кои би требало да ве одржат будни да ги избегнувате. Користете ја секоја можност за качување по скали или пешачење затоа што ваквите лесни вежби може да придонесат за поквалитетен сон исто така.

И за крај, убавата мисла има влијание врз здравјето. Секогаш гледајте ги нештата од позитивната страна, особено кога станува збор за вашето здравје.


Споделете со пријателите!