simptomi-za-intolerancijata-na-gluten_image
Споделете со пријателите!

Интолеранцијата на глутен честопати се меша во целијачната болест, но тие се две одделни состојби
Интолеранцијата на глутен или нецелијачна глутенска чувствителност се манифесира со слични симптоми како оние на целијачната болест, но е помалку сериозна состојба. Сепак интолеранцијата на глутен може да предизвика значителна непријатност кај луѓето коишто се соочуваат со истата, па оттука тие понекогаш се одлучуваат да направат одредени промени во својот стил на живот и исхрана со цел подобро да управуваат со своите симптоми.

„Интолеранцијата на глутен се меша со целијачната болест, но тие се две одделни состојби.“

Интолеранцијата на глутен честопати се меша со целијачната болест, но тие се две одделни состојби. Целијачната болест е тешка автоимуна болест и може да го оштети дигестивниот систем на оној што боледува од истата. За разлика од целијачната болест, сепак, состојбата на интолеранција на глутен, иако има слични симптоми, таа не го вклучува имунолошкиот систем и не го оштетува гастроинтестиналниот тракт.

Понекогаш, исто така, интолерантноста на глутен може да се помеша со алергија на пченица, којашто може да биде опасна по живот, бидејќи некои симптоми можат да го нарушат дишењето или да предизвикаат губење на свеста, што не се јавува кај целијачната болест или интолеранцијата на глутен.

Симптоми на интолеранција на глутен

Многу од симптомите на интолеранција на глутен се јавуваат за кратко време по конзумирањето на глутен. Сепак, точната комбинација на симптоми може да варира. Луѓето кои се интолерантни на глутен најчесто имаат комбинација од некои од следните симптоми:

Дијареа и запек

Лицата коишто имаат интолеранција на глутен често се жалат на појава на дијареа и запек како вообичаен симптом по консумацијата на глутенска храна. Иако овие се дигестивни проблеми коишто е нормално да се појават повремено, кога се чести и се појавуваат секојдневно може да се резултат на интолерантност на глутен.

Надуеност

Друг многу чест симптом којшто се појавува кај луѓето со интолеранција на глутен е надуеноста, којашто се однесува на чувството на полн стомак којшто предизвикува непријатност. Надуеноста на стомакот е често придружена со гасови. Прејадувањето е многу честа причина за надуеност, но може да се случи поради неколку различни причини. Кај лицата со интолеранција на глутен, чувството на надуеност може да се појавува почесто и да не биде поврзано со количината на храна којашто е внесена туку со типот на храна, односно глутенската храна.
simptomi-za-intolerancijata-na-gluten_image1

Абдоминална болка

Абдоминалната болка, исто така, може да се појави од повеќе причини. Сепак, оние коишто имаат интолеранција на глутен често забележуваат дека доживуваат абдоминална болка без друга очигледна причина и како последица од консумацијата на храна со глутен.

Прочитајте:  Не правете грешки кога појадокот е во прашање

Замор

Заморот е уште еден симптом којшто се појавува кај луѓето со интолеранција на глутен и којшто е тежок за идентификување, бидејќи може да биде резултат на повеќе причини од кои многу не се поврзани со било каква медицинска состојба. Сепак, луѓето со интолерантност на глутен може да имаат постојани чувства на замор што го нарушуваат секојдневното функционирање.

Гадење

Лицата коишто имаат интолеранција на глутен, исто така, можат да доживеат гадење, особено по конзумирање на храна којашто содржи глутен. Гадење од храна може да се појави и заради други причини, но доколку често се појавува после консумацијата на храна којашто содржи глутен може да биде знак за интолеранција на глутен.

Главоболки

Појавата на чести главоболки е уште еден симптом кој може да се појави кај луѓето со интолеранција на глутен.

Други симптоми

Луѓето со интолеранција на глутен може редовно да доживуваат неколку од горенаведените симптоми по консумацијата на храна со глутен. Тие, исто така, може да се соочат и со други симптоми коишто се поретки и вклучуваат:

  • болка во зглобовите и мускулите;
  • депресија или анксиозност;
  • конфузија;
  • тешка абдоминална болка;
  • анемија.

Како се дијагностицира интолеранцијата на глутен?

Доколку едно лице се соочува со некои од горенаведените симптоми и се сомнева на интолеранција на глутен од голема важност е најпрво да се осигура дека потешка состојба, како што е целијачна болест или алергија на пченица, не е присутна.

Ова може да се испита преку земањето на примерок од крв, кој потоа се анализира за да се открие присуството на антитела кои може да укажуваат на целијачна болест или алергија на пченица. Во некои случаи, може да бидат потребни и други тестови.

Најчестиот метод што луѓето го користат за да утврдат дали е присутна глутенската интолеранција е намалување или исфрлување на глутенот од исхраната и следење на промените во симптомите.

Koja храна треба да се избегнува?

Луѓето кои имаат интолеранција на глутен вообичаено се обидуваат да избегнат каква било храна којашто содржи глутен, а тоа е секоја храна којашто содржи:

  • пченица и сите состојки што потекнуваат од пченица;
  • јачмен;
  • ‘рж;
  • пивски квасец.

Храната и пијалаци кои содржат глутен се:

  • тестенини;
  • леб;
  • колачи;
  • печива;
  • крекери;
  • житарици;
  • палачинки и вафли;
  • бисквити;
  • газирани сокови и пиво.

Споделете со пријателите!