simptomi-faktori-za-pojava-na-alergija-na-pchenica_image
Споделете со пријателите!

Ризикот за развој на алергија на пченица се зголемува доколку некој од родителите има алергија на храна или други алергии.
Алергијата на пченица е алергиска реакција на храна која содржи пченица. Алергиските реакции може да се појават од јадење пченица, но исто така, во некои случаи, со вдишување на пченично брашно. Пченицата може да се најде во многу видови на храна, меѓу кои и некои за кои можеби не сте знаеле, како што се пиво, соја сос и кечап.

Избегнувањето на јадење пченица е основен третман за третирање на алергијата на пченица. Доколку оној што е алергичен на пченица, јаде производи што содржат пченица, може да бидат потребни лекови за да се справи со алергиските реакции.

Алергијата на пченица понекогаш може да се помеша со целијачна болест, но тие се разликуваат по тоа што алергијата на пченица генерира антитела што предизвикуваат алергија на протеини пронајдени во пченицата, додека кај луѓето со целијачна болест, одреден протеин во пченицата, глутенот, предизвикува абнормална реакција на имунолошкиот систем.

Симптоми на алергија на пченица

Дете или возрасен со алергија на пченица можно е да развие симптоми од неколку минути до неколку часа откако ќе консумира храна што содржи пченица. Симптомите на алергија на пченица вклучуваат:

  • Оток, чешање или иритација на устата или грлото;
  • Нафрлање, осип или отекување на кожата;
  • Назална конгестија;
  • Главоболка;
  • Иритирани очи;
  • Тешкотии со дишењето
  • Грчеви, гадење или повраќање;
  • Дијареа.

Малите деца кај кои се појавува алергија на пченица вообичаено ја надраснуваат од 3 до 5 години. За некои луѓе, пак, алергијата на пченица може да предизвика опасна реакција наречена анафилакса. Заедно со други знаци и симптоми на алергија на пченица, анафилаксата може да предизвика:

  • Оток на грлото;
  • Болка во градите или затегнатост;
  • Тешкотии со дишењето;
  • Проблеми со голтањето
  • Бледа, сина боја на кожата;
  • Вртоглавица или несвестица;
  • Брзо чукање на срцето.
Прочитајте:  Јадењето лесна храна пред спиење не предизвикува покачување на шеќерот во крвта

Ризични фактори за развивање на алергија на пченица

Историја на алергија на пченица во кругот на семејството

Ризикот за развој на алергија на пченица или друга храна се зголемува доколку некој од родителите има алергии на храна или други алергии.

Возраст

Алергијата на пченица е најчеста кај бебиња и мали деца, кои имаат незрели имунолошки и дигестивни системи. Сепак, повеќето деца ја надминуваат алергијата на пченицата, но возрасните можат да ја развијат во текот на животот.


Споделете со пријателите!