dali-cokoladoto-moze-da-se-zamrzne_image
Споделете со пријателите!

Дознајте кои видови на храна можат да се замрзат без притоа да го изгубат вкусот кога ќе сакате да ги одмрзнете
Секој вид на храна е најдобро да се консумира свежа, но во некои прилики, секој се соочува со ситуација кога треба да одлучи како подолго време да ја задржи свежината на одреден вид на храна. Во продолжение, прочитајте неколку видови на храна за кои моне знаевте дека можат да се замрзнат.

Чоколадо

Доколку чоколадото од собна температура се стави веднаш во замрзнувач, тогаш тоа ќе биде суво, кршливо и ќе се претвори во трошки. Тајната е тоа да се лади постапно, односно пред да се стави директно во замрзнувач, неколку часа треба да отстои во фрижидерот. Исто така, треба убаво да се завитка или вакумира. Откако повторно ќе се одмрзне, секако дека нема да изгледа исто како претходно, заради процесот на кристализација поврзан со состојките во чоколадото: вода, шеќер и масти. Овие состојки му го овозможуваат сочниот изглед кога е свежо. Замрзнато на овој начин, чоколадото може безбедно да се консумира и дури после шест месеци.

Чипсdali-cokoladoto-moze-da-se-zamrzne_image1

Чипсот е од оној вид на храна, односно ужина, која никогаш не може да остане долго во домот, без оглед колку многу сте купиле за да складирате. Затоа, добрата вест е дека без проблем може да се замрзне, а се одмрзнува за само неколку минути.

Лук

Лукот може да се замрзне и тоа на неколку начини: исечкан на парчиња, цел или излупен, складиран во пластична кеса за замрзнување. Исто така, може да се складира и во маслиново масло и задолжително да се стави во замрзнувач. Складиран во маслиново масло, никако не го оставајте на собна температура, бидејќи на тој начин ризикувате да заболите од ботулизам.

Прочитајте:  Зошто не треба да правите детокс

Јајца

Можеби мали се шансите да помислите дека јајцата можат да се замрзнат, а вистината е дека можат, но не цели. Мора да се скршат во сад и да се одделат белки на една и жолчки на друга страна. За да го одбегнете можното згрутчување кога ги одмрзнувате, додајте малку сол во жолчките.

Сирење

Секој вид на сирење може да се замрзне, а разликата е дека некои видови можат да се ронат при повторно одмрзнување. Совет при одмрзнување: од замрзнувач, сирењето ставете го во фрижидер да остане преку ноќ. На овој начин тоа ќе биде свежо и безбедно за јадење.

Домашни палачинки

Замрзнете палачинки и имајте секогаш готова ужина за само неколку минути ставени во микробранова. Помеѓу секоја палачинка ставете хартија за печење и потоа завиткајте ги во алуминиумска фолија или ставете ги кеса за замрзнување. Складирани на овој начин, палачинките може безбедно да се консумираат до два месеци.


Споделете со пријателите!