potencijalno-otkritie-za-lekuvanje-na-parkinsonova-bolest_1
Споделете со пријателите!

Докторите од Универзитетот од Медицинскиот центар во Мериленд изјавија дека го откриле револуционерниот третман за Паркинсонова болест. Лекарите потврдуваат дека овој третман веќе покажа резултати кај еден пациент од градот Фредерик, Мериленд.
Паркинсоновата болест е дегенеративна болест на нервниот систем и нејзината појава зависи од многу фактори, како што е на пример положбата на телото додека спиеме. Доктор Пол Фишмен – Paul Fishman невролог од Универзитетот во Мериленд – University of Maryland Medical Center истакна дека не постои лек за оваа болест, туку само постои старомоден начин на лекување на истата, со еден куп несакани последици поврзани токму со тој третман. „Како што поминува времето, станува сè помалку ефикасен. Како што болеста напредува, овој третман делува неконтролирано“ – изјави Фишмен.

potencijalno-otkritie-za-lekuvanje-na-parkinsonova-bolest_2
Kimberly Spletter – првиот пациент на ултразвучна магнетна резонанца

Кимберли Сплетер – Kimberly Spletter изјави дека Паркинсоновата болест многу ја отежнувала нејзината мобилност. Понекогаш таа не можела ни да оди. „Мојот сопруг ми помагаше да јадам, само пред неколку месеци“ – вели Кимберли. Но, сега лекарите експериментираат со еден нов начин на лекување, којшто до сега не бил применуван.

 

Третманот се состои од ултразвучна магнетна резонанца

Тоа е нова ултразвучна технологија којашто се фокусира на длабоките структури во мозокот. Пациентката била ставена во машина за магнетна резонанца, па докторите можеле да имаат детален увид на функцијата не нејзиниот мозок. Потоа, ултразвучните бранови ги третираат деловите од мозокот кои се поврзани со неконтролираните движења.

„Симптомите коишто ние сакаме да ги елиминираме се: треперењето, ригидноста“ – изјави неврологот од истиот универзитет Хауард Ајзенберг – Howard Eisenberg.

Кимберли го поминала овој третман во август и таа сега, само еден месец по третманот може повторно да оди, па дури и да вози велосипед. „Сè што јас од секогаш сум сакала да правам, можам да правам повторно. Јас можам да го возам мојот велосипед, можам да трчам, можам да пешачам, можам да го одведам мојот внук во паркот, можам да правам сè“ – изјави Кимберли Сплетер.

Прочитајте:  Генетски модифициран квасец за производство на опијати

Кимберли е првиот пациент кој до сега го помина овој третман на Универзитетот во Мериленд, па докторите Ајзенберг и Фишмен истакнаа дека не знаат колку долго ќе траат позитивните ефекти од истиот. „Јас имам на располагање цел нов живот пред мене. Мислам дека сè  што ме одвраќаше наназад, повеќе не е така. Јас можам да правам сè што ќе посакам“ – истакнува пациентот.

Истражувачите истакнуваат дека имаат уште многу долг пат да изодат пред нив, пред овој лек да стане вообичаено решение за Паркинсоновата болест. Но, тие се надеваат на успех, бидејќи навистина се ретки клиничките обиди како овој, кои веднаш предизвикуваат позитивни резултати. Лекарите изјавија дека ќе продолжат да ја следат состојбата на Кимберли Сплетер во текот на наредните неколку години.


Споделете со пријателите!