plivanje-za-vreme-na-pandemija_image
Споделете со пријателите!

Пливањето за време на пандемија е една работа, а толпата на плажа е нешто друго.
Пливањето за време на пандемија е една работа а толпата на плажа е нешто друго. Како што завршува летото, се поголем број од нас сакаат да ги искористат последните денови на плажа и некако се чини дека тоа се прави се со поголема храброст – иако низ целата земја, некои јавни базени и плажи се отворени со ограничувања.

Поголем број на туристички локации низ цел свет се отворени со помалку или повеќе протоколи за дистанца итн. Но, корона не е единствената инфекција која може да ја добијат пливачите и треба да се претпазливи осеобено заради можноста да се добие било која од нив: некои вируси, бактерии и паразити се распространуваат во вода. Минатата година, на пример, во Америка имало зголемување на крипто-инфекциите, што може да доведе до дијареја и повраќање, во базените и во водните паркови поради паразитот наречен криптоспоридиум, кој е многу отпорен на хлор.

За среќа, од нашето досегашно знаење и незнаење за корона вирусот се чини многу малку веројатно дека ќе го добиете преку вода, но, како и секогаш, може да го добиете од други луѓе.

Еве неколку точки што би биле корисни да ги знаете за ризиците од пливање и како да донесете најпаметна одлука за вас.

Самата вода веројатно нема да го пренесе новиот коронавирус.

Според Центрите за контрола и превенција на болести, „нема докази дека вирусот што предизвикува COVID-19 може да се пренесе на луѓето преку вода во базени, сауни кади, бањи или простори за играње во вода“. Во него се вели дека чистењето на овие типови на објекти со хемикалии, вклучувајќи хлор, треба „да го инактивира вирусот во водата“.

Според нив дури и преку свежа или солена вода е тешко веројатно да се шири коронавирусот бидејќи другите коронавируси не се стабилни во вода, изјавила , Ангела Расмусен, вирусолог од Факултетот за јавно здравје Мејлмен на Универзитетот Колумбија за The New York Times. Тоа се чини дека делумно се должи на фактот дека водата ги разредува флигеовите капки што можат да ја пренесат болеста, рече д-р Леонард А. Мермел, професор по медицина на Медицинскиот факултет Ворен Алперт на Универзитетот Браун, за време на семинар на Здружението за инфективни болести на Америка на семинар на 19 мај. И, иако е откриена РНК на коронавирус, која теоретски може да се прошири низ вода ако случајно навлезе во устата, вирусот кој би можел да се наоѓа во изметот „не се чини дека е во инфективна состојба“ дала изјава Криста Вигингтон, вонреден професор по инженерство на животната средина на Инженерскиот колеџ на Универзитетот во Мичиген, за Инсајдер. „Нај големиот ризик од сите овие активности би бил од интеракција со други кои зборуваат, кашлаат или киваат во наша близина“, изјавила таа. Како додаток на ова е фактот, дека фаќањето на коронавирусот обично го вклучува вдишување, а не голтање, водата е малку веројатно да биде патот на пренесување – изјавил Јозеф Ајзенберг, претседател на одделот за епидемиологија на Факултетот за јавно здравје на Универзитетот во Мичиген, за Бизнис Инсајдер.

Прочитајте:  Хранење при болеста на Бехтерев

Општо земено, респираторните патогени не преживуваат во вода, а токму тоа е и информацијата која што не ја знаеме за коронавирусот во вода. Постои можност тој да се шири на места каде што водата од океанот се меша со нетретирана отпадна вода што е загадена од вирусот. Тогаш брановите би можеле, теоретски, да го активираат вирусот во честички што ветерот ги носи на брегот.

Ким Пратер, атмосферски хемичар во Институтот за океанографија Скрипс во Сан Диего, во моментов проучува дали е тоа така.Чарлс Герба, професор по микробиологија и имунологија на Универзитетот во Аризона, изјави за WebMD дека вирусот може да се најде во океанската вода во близина на истекување на канализацијата, но не е особено загрижен за тоа. „Повеќе би бил загрижен за хепатитис, и други заразни патогени за кои е докажано дека се пренесуваат преку вода, особено на места каде има одлив на необработена канализација. Преземете сериозни мерки на претпазливост ако пливате. Без оглед на активноста, ризикот од заразување со COVID-19 најмногу зависи од истите неколку фактори: Колку сте блиску до поголема група луѓе и за колку време?

Кога станува збор за пливање, тогаш „пливањето во базен, езеро или океан без гужва е веројатно со понизок ризик во споредба со активности кои се одвиваат внатре или надвор но се пропратени со голем број на луѓе како одење во ресторани, трговски центри, продавници и концерти“. Скокањето во приватен хлориран базен на отворен простор е безбедно, додека пливање во бранови на фреквентен простор во море или океан е поризично, особено ако нема простор за да го поставите вашиот пешкир на песок потоа.

Што се однесува до базените, пливањето во круг во добро третиран базен каде имате своја лента и празни ленти покрај вас е прилично низок ризик, додека прскањето наоколу во преполн затворен базен е поголем ризик затоа што веројатно ќе бидете во близок контакт со флигеовите капки на другите додека се довикуваат или кашлаат кога случајно ќе голтнат малку вода.Уште поопасно е ако користите соблекувална, каде што не само што можете да бидете во непосредна близина на странци кои не носат маски, туку и да допирате површини како рачки на вратите и рачки за туширање каде вирусот може да се задржи подолго време.

Општиот принцип треба да биде: Надвор е подобро отколку внатре; отвореното е подобро од затворено; помалку е подобро од повеќе луѓе; и држете се подалеку од болни луѓе.

На крајот на краиштата, користете здрав разум. Пливањето носи огромни физички и ментални придобивки. Ако можете да го направите тоа со ниво на ризик со кое ви е пријатно тогаш искористете ги бенефитите од оваа активност.


Споделете со пријателите!