ispituvanje-na-nuhalna-translucenca_image
Споделете со пријателите!

Нухална транслуценца – НТ (nuchal translucency, NT) е неинвазивен скрининг тест што се користи за да се утврди ризикот од развој на фетус со Даунов синдром или друго генетско нарушување.
При овој преглед – ехо (ултразвук) се мери дебелина на кожниот набор на задната страна на вратот или насобраната течност во окципиталниот регион (linea nuchae) на фетусот во развој. Ако оваа област е подебела од нормалната, тоа може да биде ран знак на Даунов синдром, тризомија 18 (синдром на Едвардс) или срцеви проблеми, бидејќи бебињата со абнормалности имаат тенденција да акумулираат повеќе течност на ова место во првиот триместар од бременоста во споредба со фетусот што се развива нормално. Овој преглед се прави помеѓу 11-та и 14-тата недела од бременоста. Нухална транслуценца не треба да се меша со нухалното превиткување (NB), кое се мери во текот на вториот триместар од бременоста (18-23 недели од бременоста).

Во кои случаи се препорачува ова испитување?

Овој тест се препорачува за сите бремени жени, бидејќи сите жени, без оглед на нивната возраст, имаат одреден ризик да родат дете со физички или когнитивни нарушувања. Општо, најчестата хромозомска абнормалност е Даунов синдром (тризомија 21).

Ризикот од развој на оваа болест се зголемува со возраста на мајката – од 1 случај на 1.400 бремени жени на возраст од 25 години, и 1 од 350 бремени жени на возраст од 35 години па се до 1 случај на 100 бремени жени на возраст од 40 години и нагоре. Другите структурни аномалии и синдроми во кои може да се открие поголема дебелина на нухална транслуценца вклучуваат:

  • Синдром Тарнер (45, X) / Тарнер/Turner;
  • Тризомија 18 (синдром на Едвард/Edwards);
  • Тризомија 13 (синдром на Патау/Patau syndrome);
  • Триплоидија (сите хромозоми се 3 наместо 2);
  • Вродена дијафрагмална хернија;
  • Вродена срцева болест;
  • Омфалоцела;
  • Скелетна дисплазија;
  • Синдром Смит-Лемли-Опиц;

Во некои случаи, фетусот има нормален број на хромозоми, а сепак се наоѓа подебела нухална транслуценца. Во овие случаи станува збор за други фетални (фетални) малформации и генетски синдроми.

Дали е потребна претходна подготовка?

За подобар резултат при овој преглед, ултразвукот треба да се изврши на полн мочен меур. За таа цел, мајката треба да пие вода или други течности (2-3 чаши).

Прочитајте:  Совети за здрава и удобна бременост во зима

Метод на спроведување на истражувањето/информација за идните мајки:

  • Прегледот се врши со помош на ултразвук од страна на акушер-гинеколог, специјалист за фетална медицина. Од вас ќе биде побарано да легнете на грб или на едната страна;
  • Лекарот поставува ултразвучен контакт гел на кожата на вашиот стомак – гелот служи како контактен медиум помеѓу кожата и ултразвучниот трансдуцер;
  • Специјалистот ќе бара и ќе ја измери дебелината на течноста што се собрала во задниот дел на вратот на бебето.

Прегледот обично трае околу 15-20 минути. Како ќе се чувствувате за време на прегледот?

За време на ова испитување, може да почувствувате мал притисок од трансдуцерот во областа на мочниот меур.

Доколку почувствувате болка (поради преполнување на мочниот меур)/треба да го известите лекарот.

Дали има ризици од спроведување на прегледот?

До сега не се идентификувани ризици, ниту за пациентот, ниту за бебето. При ова испитување не се користи јонизирачко зрачење што може да му наштети на фетусот во развој.

Ако наодот покаже абнормални резултати, бебето најверојатно ќе се роди со некоја аномалија, и тогаш постои ризик да се чувствувате вознемирено. Сепак мајката не треба да е премногу загрижена бидејќи се прават дополнителни испитувања кои може да ја исклучат работната дијагноза од ехо прегледот.

Резултати од прегледот

Овој преглед може да покаже дали фетусот во развој е со поголем ризик од нормалниот за вродена болест.

Сепак, како што наведовме погоре овој преглед не е единствен кој може да се користи за да се постави дефинитивна дијагноза – потребен е дијагностички тест, како хорион биопсија или амниоцентеза преку кои би се исклучил или потврдил абнормалниот наод од ехо.

Нормални вредности: Дебелина на нухална транслуценца е 2,5 милиметри (mm) или помалку.

Отстапувања од нормата: Дебелина над 2,5 мм

Значи дека постои можност бебето да се роди со дефект, и доколку дополнителните испитувања не го потврдуваат ова – значи дека  ова е лажно-позитивен резултат. Исто така е можно овој тест да покаже дека нема проблем со фетусот, а подоцна да се установи дека бил – лажно-негативен резултат.


Споделете со пријателите!