Случаите на заболени од најчестите сексуално преносливи болести како што се сифилисот и гонореата значително се зголемиле во последните години заради редуцираното финансирање на јавното здравство, истакнуваат американските федерални власти
Покрај тоа што сексот е неопходен за добро здравје, незаштитениот секс со несигурни и непроверени партнери, може да биде крајно опасен за целото општество. Повеќе од 1,4 милиони случаи на кламидија биле регистрирани изминатата година – највисокиот број на случаи што некогаш е пријавен во Центарот за контрола на болести и превенција – Center for Disease Control and Prevention – CDC. Околу 20 000 случаи на сифилис биле пријавени во 2014 година – што претставува највисока стапка на појава на оваа болест од 1994 година и за 15% зголемување во споредба со 2013 година, истакнува CDC.458 случаи на сифилис се откриени кај новороденчиња, што претставува за 27,5% пораст во однос на 2013 година, истакнуваат од Центарот за контрола на болести и превенција.
Повеќе од 350 илјади случаи на гонореа биле пријавени, што претставува за 5% зголемување од 2013 година. „Сигурно ова е прв пат од 2006 година кога бројот на сите три од нашите најпријавувани сексуално преносливи болести се зголеми“ – рече докторот Геил Болан – Gail Bolan портпаролот на CDC. „Некои од зголемувањава се доста алармантни“ – додава таа.
вели д-р Болан.“
Повеќето од случаите на зголемување на болестите се детектирани кај младите возрасни личности, кои најчесто се инфицираат откако ќе започнат со сексуалниот живот. Експертите од центарот проценуваат дека половина од 20-те милиони нови случаи на сексуално преносливи инфекции што се јавуваат секоја година се помеѓу младите на возраст од 15 до 24 години.
Опасно е исто така доцното откривање на овие болести кај пациентите. Додека антибиотиците може да ги лекуваат инфекциите, тие често не предизвикуваат симптоми сè додека не се појават штетни последици. „Жените може да го загрозат своето репродуктивно здравје засекогаш поради инфекција од кламидија или гонореа“ – додава д-р Болан.
Зошто во 21 век доаѓа до зголемување на бројот на сексуално преносливи болести, наместо до нивно крајно искоренување?
Според неа, во Америка дошло до пораст на појавата на овие заболувања и покрај „модерноста“ на државата, поради фактот што намален е буџетот за намалување на истите. „За само една година, 7% од локалните здравствени установи рекоа дека ги затвориле своите клиники за сексуално преносливи болести“ – објаснува доктор Болан.
Според неа, друг многу значаен фактор е промената на однесувањето помеѓу хомосексуалните и бисексуалните мажи. „Зголемувањето на сифилисот помеѓу хомосексуалците е загрижувачко бидејќи го забележувавме ова зголемување скоро една деценија“ – рече Болан.
ХИВ повеќе не е најопасниот сексуално пренослив вирус
Во однос на ХИВ, според Болан состојбата е малку олеснета. Може да се каже дека денес ХИВ претставува на некој начин хронична болест со која може да се живее и која не претставува смртна казна како некогаш. Поради тоа што сега веќе постојат многу моќни и ефикасни лекови за намалувањето на штетните последици од овој вирус и за контрола на болеста што ја предизвикува, сега лицата кои се ХИВ позитивни може да живеат нормално и со самото тоа постои помала веројатност дека ќе инфицираат некој друг.
Според д-р Болан токму ова е само уште една од причините зошто луѓето не водат грижа да бидат заштитени за време на сексот. Таа вели дека многумина престанале да користат кондом, токму поради тоа што повеќе не се плашат од смртоносна инфекција.
„За жал третманите против ХИВ немаат никакво влијание за превенција на другите сексуално преносливи болести“ – додава таа.
Неодамна објавено истражување потврди дека и ХИВ негативните лица може да се заштитат од вирусот ХИВ доколку ги земаат лековите против овој вирус. Американските научници потврдија дека лицата кои се изложени на вирусот ХИВ и кои ги земале лековите превентивно во праксата наречена „пред-експозициона профилакса“ – pre-exposure prophylaxis – PrEP, речиси никогаш не добиле ХИВ, но сепак се заразиле со сифилис или гонореа.
