Бремените жени кои страдаат од габична инфекции имаат поголема веројатност да ги родат своите бебиња предвреме
Предвремено раѓање е компликација на нормална бременоста која се јавува кај 5% до 18% од раѓањата во светот. Според СЗО, 15 милиони бебиња годишно се раѓаат предвреме. Бебињата родени предвремено се изложени на зголемен ризик од смрт, значајни неонатални компликации, долгорочни негативни здравствени исходи и развојни нарушувања. Предвремено раѓање (раѓање кое започнува пред 37 недела од бременоста) произлегува од спонтан почетокот на породувањето (вклучувајќи предвремено раскинување на мембраните) или клиничка одлука дека раѓањето треба да се случи порано заради компликации во бременоста кои може да се витални за мајката или плодот.
Причината за спонтано предвремено породување се хронични состојби како што се дијабетес и висок крвен притисок како и интраутерина инфекција, која се смета за еден од важните фактори. Веројатниот начин за интраутерина инфекција е инфекција на гениталниот тракт. Жените кои раѓаат предвремено плод со пониска гестациската возраст, обично се со инфекција на гениталниот тракт која настанала пред или во почетокот на бременоста која може да биде асимптоматска и да остане неоткриена.
Причинителите кои се откриени во матката пред руптура на мембраните се најчесто со ниска вирулентност кое говори за хроницитет на инфекцијата и отсуство на очигледни клинички симптоми. Бременоста како физиолошка состојба ја зголемува фреквенцијата на колонизирање на гениталниот тракт со кандида. Причината за тоа е зголемување на нивото на циркулирачкиот естроген и депонирање на гликоген и други супстрати во вагината за време на бременоста. Колонизацијата може да ја наруши нормалната вагинална флора со што ќе ги намали лактобацилите и ќе доведе до зголемување на проинфламаторните фактори и организми.
Бремените жени кои страдаат од габична инфекции и кои се нетретирани, се со поголема веројатност да ги родат своите бебиња пред термин. Овој став е доста проучуван и сè уште доказите не се доволно силни за да се потенцира како факт, но кај голем број случаи од предвремените породувања еднинствен видлив наод била постоечка инфекција меѓу кои и кандида.
Важно за мајката е да знае да се грижи за она што е најдобро за нејзиното тело и здравјето на своето бебе, и да ги избегне сите услови кои носат потенцијална опасност за бебето. Затоа, се препорачуваат постојани прегледи за навремен и безбеден третман на инфекцијата од страна на гинеколог но и превземање на превентивни мерки како што се:
- Носење лабава памучна долна облека;
- По редовна хигиена се препорачува добро да се исуши пределот на гениталиите;
- Да не се користат јавни градски базени за пливање. Доколку летувате да се смени сув костим за капење или други влажна облека што е можно поскоро;
- Да не се користат парфимирани тоалетна хартија и санитарни влошки;
- Вклучување на исхрана богата со култури на пробиотици и исклучување на исхрана која содржи шеќери (шеќерите го промовираат растот на габичките).
