Споделете со пријателите!

Ако користите квалитетни состојки коишто правилно ќе ги искомбинирате, ќе добиете пијалак кој ќе ви ја даде потребната енергија
Научниците се согласни дека најдобар начин на исхрана е онаа исхрана базирана на минимално процесирана, природна (најмногу растителна) храна, која е најделотворната за одржување од здравјето и превенција од болести. Свежото овошје, зеленчукот и јаткастите плодови задолжително треба да бидат дел од вашите дневни оброци. Пролетта е одличен период кога ни се лесно достапни многу свежи овошја и зеленчуци, така што е полесно да се направат здрави избори кога станува збор за храната.

„Ако користите квалитетни состојки кои правилно ќе ги искомбинирате, ќе добиете пијалак кој ќе ви ја даде потребната енергија“

Чаша смути претставува здрав оброк кој изобилува со витамини. Ако користите квалитетни состојки коишто правилно ќе ги искомбинирате, ќе добиете пијалак кој ќе ви ја даде потребната енергија. Смути е одличен избор за вашата дневна доза витамини кој одговара во многу комбинации. Смути е идеално решение доколку немате време да појадувате или пак сакате лесно да појадувате, здрав пијалак за на работа, пред вежбање ужина која ќе ве наполни со енергија во секое време од денот.

Секако дека може од сè да направите смути, но ако не користите квалитетни состојки не очекувајте да добиете квалитетно смути. Затоа, секогаш одлучете се за свежи и здрави состојки. Исто така, имајте на ум, дека она смути коешто сами ќе го приготвите дома е најдобрата опција, бидејќи ќе го направите токму како што сакате. Овој здрав пијалак го подобрува здравјето и го засилува имунитетот, доколку го направите правилно. Затоа, прочитајте ги овие неколку совети за да подготвите здраво и вкусно смути во кое ќе уживате.

Неколку совети за подготовка на здраво смути

  • Додадете неколку зелени листови од еден вид на зеленчук, најмногу 3 вида на овошја, додајте јаткасти плодови и разни семиња;
  • Одбегнувајте вештачки засладувачи, полномасно млеко и млечни производи. Најдобар избор е вода или бадемово млеко;
  • Избегнувајте да додавате мед или шеќер, бидејќи овошјето содржи доволно шеќер.

Свежите производи нека ви бидат основата. Избегнувајте млеко, сепак не правите милкшејк, туку здрав пијалак кој треба да ви го подобри здравјето. Откако ќе поставите добра основа, користејќи јагоди, боровинки, спанаќ, банана, вода, зголемете го квалитетот на вашето смути, правејќи го енергетска „бомба“. Тоа може да го направите со додавање на внимателно одбрани производи.

Прочитајте:  Генетски модифицираната храна е безбедна?

Јаткасти плодови

Како едни од најстарите култивирани растенија, јаткастите плодови се голем извор на здравје. Изобилуваат со протеини, јаглехидрати, масти, цинк, железо, калциум, витамин Е, Б витамини, сите многу потребни за здравје и енергија, особено корисни за овој годишен период кога се појавува пролетниот умор. Бадемите, оревите и лешниците се богат извор на антивоспалителни здрави масти и затоа се многу корисни против воспаление. Исто така, тие се одликуваат и со низок гликемиски индекс, што значи дека го регулираат нивото на шеќер во крвта. Го намалуваат крвниот притисок и делуваат поволно на работата на срцето.

Ленено семе

„Лененото семе идеално одговара во комбинација со други семиња, од кои најпознат е миксот од 4 семиња – лен, сусам, сончоглед и семки од тиква

Лененото семе го забрзува метаболизмот, заради големата количина на магнезиум што ја содржи, па затоа потрудете се задолжително да го додадете во вашето смути. Запомнете дека лененото семе треба да го користите сомелено, бидејќи на тој начин можете да ги искористите неговите лековити и хранливи својства. Богато е со есенцијални масла и многу витамини, кои помагаат за здрава коса, очи и кожа. Лененото семе ќе ви го подобри дигестивното здравје, бидејќи изобилува со растителни влакна. Лененото семе идеално одговара во комбинација со други семиња, од кои најпознат е миксот од 4 семиња: лен, сусам, сончоглед и семки од тиква. Ако додадете 1 до 2 лажици во вашето смути, вие добивате здрави масти, протеини, јаглени хидрати, минерали и витамини – сето тоа од една чаша смути.
najdobra-hrana-pred-vezbanje_image1

Чиа семе

Ова семе содржи многу калциум, магнезиум, фосфор. Добрата работа е дека има неутрален вкус, па може да го додадете во секоја комбинација на смути. Една лажица чиа семе има 70 калории, многу протеини и ги содржи сите осум есенцијални аминокиселини. Затоа го поседува статусот на „супер храна“.

Гоџи бобинки

Гоџи бобинките содржат многу антиоксиданси и се најголем извор на железо што може да го поседува една билка. Затоа, задолжително додајте ги на вашето смути. Гоџи бобинките содржат и витамин Е, кој ретко може да се најде во овошјето. Ги нарекуваат уште и „среќни бобинки“ бидејќи човек се чувствува добро кога редовно ги консумира, зашто ја зголемуваат енергијата и издржливоста.

Изборот на квалитетни состојки ќе го направи вашето смути ваш дневен извор на витамини, минерали и хранливи материи. 


Споделете со пријателите!