nekolku-soveti-za-spravuvanje-so-mirizlivite-stapala_image
Споделете со пријателите!

Козметичките препарати што го спречуваат или неутрализираат потењето на кожата под пазувите се погодни за нега на кожата кај смрдливите стапала
Како што времето надвор се затоплува, стапалата може повеќе да замирисаат поради зголемената влажност. Причина за оваа појава се несоодветните чевли и чорапи, зачестеното потење на стапалата, но и бактериите. Некои луѓе имаат поголема склоност од развој на бактерии на кожата од стапалата, затоа што многу повеќе се потат. Чевлите секогаш треба да ги одржувате чисти, спортските чевли редовно да ги перете и често да ги менувате вашите чорапи – секојдневно и пред важните настани, кои можат да го поттикнат потењето.

„Има повеќе потни жлезди на стапалата, отколку што има под пазувите“

„Доколку седите во истите чорапи по 12 часа, перспирацијата започнува да се акумулира. Дури и доколку некој страда од габи или атлетско стапало (габична инфекција што ја напаѓа кожата помеѓу прстите на стапалата), доколку ја отстраните влажната средина во која се наоѓаат вашите стапала, со промена на засмрдените чорапи на чисти, на вашите нозе ќе им биде подобро“ истакнува д-р Бренер.

Потењето претставува природен механизам за терморегулација на телото. Стапалата пак, како и дланките, за разлика од другите делови од телото, може да се потат и на емоционална база, како физичка реакција на стрес, анксиозност, страв или болка. Има повеќе потни жлезди на стапалата, отколку што има под пазувите. 

Според д-р Хилари Бренер – Hillary Brenner, лекарка од Њујорк, чија специјалност се нозете и стапалата, на двете стапала заедно, имаме 500 илјади потни жлезди. „Ние потиме до 250 милилитри течности од секое стапало дневно“ – истакнува лекарката.

Кога по цел ден стапалата се заробени во чевли, бактериите и изумрените клетки од кожата се врзуваат со потта и предизвикуваат непријатен мирис. Наједноставното решение, според д-р Винстон Вонг – Winston Wong, подијатар од Менхетен е користењето на дезодоранс. „Многу луѓе користат пудра со талк, но тоа може да биде малку неуредно. Цврстите дезодорантски антиперспиранси функционираат подобро“ – изјави тој за „Хафингтон Пост“. Д-р Бренер оваа метода им ја препорачува и на своите пациенти кои патат од хиперхидроза (прекумерно потење). 

Експертите препорачуваат ист дезодоранс да не се користи и под мишка, затоа што возможно е одредени габични инфекции да бидат пренесени од стапалата на пазувите.

Друг совет, е прскање на чевлите со антифунгален дезодорантски спреј за чевли што ги убива бактериите кои предизвикуваат мирис. Таа исто така ги советува своите пациенти да користат маст против габи на нивните стапала два пати неделно.

Прочитајте:  7 начини да откриете дали долгорочно ќе функционирате како двојка

Споделете со пријателите!