kakvi-corapi-e-najdobro-da-se-nosat-vo-zima
Споделете со пријателите!

Како што доаѓа зимата и деновите стануваат сè постудени потребни ни се дополнителни парчиња облека и долна облека за да се стоплиме и за да не ни биде ладно. За да имаме соодветна циркулација на крвта, а со тоа полесно да ја одржуваме телесната температура, најважно е да имаме топли стапала и да не ни студи во нозете.
За да имаме топли нозе, не е важен само изборот на соодветни обувки, туку пресуден е и изборот на соодветни чорапи. Секој тип на чорапи си има свои предности и недостатоци. Дознајте ги карактеристиките на волнените и на памучните чорапи и одлучете кои се подобри за вас во овој период.

Карактеристики на волнените чорапи:

Задржување топлина Поради начинот на кој волнените влакна се меѓусебно сплеткани, тие имаат поголема маса од другите влакна, па овозможуваат задржување на топлината. Токму затоа волнените чорапи се препорачуваат за луѓето кои постојано имаат студени нозе.

Апсорбираат влага Волнените влакна имаат две особини истовремено. Тие се хидрофобни (одбиваат вода) и хидроскопни (задржуваат вода). Волнените влакна се способни да апсорбираат влага до 1/3 од нивната тежина, пред да го добиете чувството на мокро.

Статички отпорни Фактот што влагата што во себе ја задржуваат спречува статички електрицитет, не е интересен од продажна гледна точка, меѓутоа убаво е да се знае дека вашите нозе нема да доживеат шок кога ќе ги облечете уште нецелосно исушени.

Лесни за одржување Волнените чорапи  не мора да бидат перени после секое носење. Тие помалку ја задржуваат во себе лошата миризба и доколку се добро проветрени, може да се носат неколку пати пред да им дојде редот за перење.

Бараат специфична нега Волната бара посебна нега. На пазарот постојат одредени средства наменети за нега на волна, но волнените чорапи доволно е да се перат рачно со мало количество на сапун, бидејќи детергентите, триењето и топлината се смртни непријатели на овие чорапи. Машинското перење не се препорачува.

Помал избор Поради тоа што се барани најчесто само во зимскиот период, производителите не се фокусирани да понудат поголем избор. Навистина е тешко и реткост е да се најдат шарени волнени чорапи. Изборот е ограничен – црни или бели, а исто така и моделите се стандардни.

Волната боцка / Алергии Евтините волнени чорапи имаат тенденција да чешаат и да боцкаат. Квалитетната мерино волна е помека и мерино чорапите  ја немаат оваа карактеристика. Исто така, некои луѓе се алергични на волна. За спречување на боцкањето, волнените чорапи може да се носат врз памучни.

Анти-бактериски својства Волнените влакна имаат природно анти-бактериско својство и затоа се отпорни на миризби.

Волна ги задржува изолациските својства и додека е мокра – што е неопходно кога имате испотени нозе во зима. Волната се суши многу побрзо од било кој друг вид на материјал.

Прочитајте:  Како да го заштитиме нашето здравје при енормно загадување

Карактеристики на памучните чорапи:kakvi-corapi-e-najdobro-da-se-nosat-vo-zima_2

Дишат Памучните чорапи се попровевни од волнените и затоа имаат помала способност да задржуваат топлина.

Машинско перење За разлика од волнените, памучните чорапи се најпогодни за перење во машина, па затоа се полесни за одржување.

Памукот е помек Памучните влакна се природни растителни меки влакна и затоа памучните чорапи не боцкаат и не чешаат, како што е случај со некои волнени чорапи.

Поголем избор Поради поголемата бараност на пазарот, производителите се фокусирани да понудат повеќе опции. Затоа изборот на памучни чорапи е многу поголем, отколку волнените. Започнувајќи од разни шари, па завршувајќи на разни модели.

Помалку алергиски реакции Многу помалку луѓе се алергични на памук, во споредба со бројот на луѓе алергични на волна. Затоа доколку купувате чорапи за некој друг, памучните се помалку ризичен избор.

Поевтини Памучните чорапи имаат помала цена од волнените и затоа се пораспространети и повеќе барани и секој може да си ги дозволи.


Споделете со пријателите!