Витилигото е болест на кожата што може да се појави кај било кој, независно од бојата на кожа, но може да биде позначајна кај луѓе со потемна кожа
Витилиго е болест која предизвикува нерамномерно губење на бојата на одредени делови на кожата. Степенот на загуба на боја од витилиго е непредвидлива, и може да влијае на кожата на било кој дел од телото. Исто така, може да влијае на косата и внатрешноста на устата.Бојата на косата и кожата е определена од меланинот. Витилигото се појавува кога клетките што произведуваат меланин умираат или престануваат да функционираат. Витилигото е болест на кожата што може да се појави кај било кој, независно од бојата на кожата, но може да биде позначајна кај луѓе со потемна кожа. Состојбата не е опасна по живот или заразна, но може да биде стресна или да предизвика непријатни чувства.
Третманот за витилиго може да ја врати бојата на погодената кожа. Но тој не го спречува континуирано губење на бојата на кожата или повторување.
Симптоми
Главниот знак за појава на витилиго е губење на бојата на кожата. Обично, обезбојувањето најпрво се појавува на места кои се изложени на сонце, како што се дланките, нозете, рацете, лицето и усните.
Витилигото се манифестира со:
- Неконзистентна загуба на бојата на кожата;
- Предвремено белење на косата на скалпот, трепките, веѓите или брадата;
- Губење на бојата во ткивата што ги поврзува внатрешноста на устата и носот (мукозни мембрани);
- Губење или промена на бојата на внатрешниот слој на окото (мрежницата);
Витилигото може да започне на која било возраст, но често се појавува пред 20-годишна возраст.
Во зависност од типот на витилиго, губењето боја на кожата може да се појави на:
- Многу делови од телото: Со овој најчест тип, наречен генерализирано витилиго, обезбојуваните делови често напредуваат симетрично на повеќето делови на телото.
- Само една страна или дел од телото: Овој тип, наречен сегментално витилиго, има тенденција да се појавува на помлада возраст, да напредува една или две години, а потоа да престане.
- Една или само неколку области од телото: Овој тип се нарекува локализирано (фокално) витилиго.
Тешко е да се предвиди како ќе напредува болеста. Понекогаш обезбојувањето на кожата престанува без лекување. Во повеќето случаи, загубата на пигментот се шири и на крајот вклучува поголем дел од кожа. Ретко, кожата ја враќа својата боја назад.
Причини за појава на витилиго
Витилигото се појавува кога клетките кои произведуваат пигмент (меланоцити) умираат или престануваат да произведуваат меланин, пигментот кој ја дава бојата на кожата, косата и очите. Тогаш кај различни делови на кожата може да се појави осветлување или дисколоризација. Докторите не знаат зошто клетките не успеваат да го произведат пигментот или умираат.
Појавата на витилиго може да биде поврзана или поттикната од:
- Нарушување во кое имунолошкиот систем напаѓа и ги уништува меланоцитите во кожата;
- Историја на витилиго во семејството (наследност);
- Конкретен настан, стрес или изложеност на индустриски хемикалии и сл.
Кога да се посети доктор
Посетете го вашиот доктор доколку забележите дека делови на вашата кожа, коса или очите губат боја. За витилигото нема лек, но третманот може да помогне да се запре или да се забави процесот на дисколоризација и да се врати боја на некој дел од вашата кожа.