nekolku-prichini-zoshto-treba-da-jadete-jajca_image
Споделете со пријателите!

Прочитајте зошто јајцата се совршен оброк со безброј комбинации за подготовка
Дали сте знаеле дека јајцето има свој Национален ден во САД? Овој ден е на 3 јуни, кога се слават здравствените придобивки на јајцето коешто се смета за совршена храна и здрав оброк кој може да се направи на многу начини. Јајцата содржат многу важни хранливи материи. Започнувајќи од нашиот мозок до коските, тие имаат широк спектар на позитивно влијание на нашиот организам.

За подобри физички перформанси

Јајцата содржат високо квалитетни протеини, богати со витамини Б12, А, Д, Е и К, минерали селен и цинк и лутеин. Протеините што ги содржат јајцата придонесуваат за синтеза и одржување на мускулното ткиво и директно влијаат за создавање на мускулна маса, сила и подобро функционирање кај сите возрасни групи. За обнова на мускулите после тренинг, исто така се препорачува протеин од јајце или од сурутка.

За слабеење

За оние коишто сакаат да го изгубат вишокот на килограми или пак сакаат да одржат здрава телесна тежина, треба да јадат протеини за појадок со цел да го заситат апетитот и да го намалат вкупниот внес на калории во остатокот од денот. Не залудно, јајцата се дел од традиционалниот појадок на многу нации.

За кардио-метаболичко здравје

Кардио-метаболичко здравје е релативно нов термин кој ги опфаќа кардиоваскуларните и метаболните заболувања, вклучувајќи ги и тип 2 дијабетес и метаболички синдром. Ваквите состојби имаат слични ризик фактори како прекумерна телесна тежина и висок крвен притисок, коишто можат да се контролираат со здрав животен стил, односно правилна исхрана. Едно истражување откри дека испитаниците кои дневно јаделе најмалку 4 јајца со големина М го намалиле ризикот од оваа болест за 37% во споредба со оние кои јаделе по едно или ниту едно јајце. Јајца за појадок овозможуваат гликемиска контрола кај лицата со тип 2 дијабетес.

Прочитајте:  Освежувачки начин на лечење на повредите

Здравствените придобивки од консумирањето јајца формираат една долга листа а овде ќе наброиме неколку:

За подобра работа на мозокот. Јајцата се богати со холин кој има силна улога во развојот на мозокот и неговото функционирање.

За здравје на очите. Лутеин и зеаксантин се антиоксиданси коишто ги има во жолчките од јајцата, кои го подобруваат здравјето на очите, особено како што стареат.

За цврсти коски. Јајцето природно содржи витамин Д, најважен за здравјето на коските.

За здрава бременост. Јајцата се извор на холин, есенцијален за време на бременоста. Придонесува за развој на мозокот на фетусот и помага при превенција на некои вродени дефекти.


Споделете со пријателите!