simptomi-tretman-na-kronova-bolest_image
Споделете со пријателите!

Кроновата болест може да се појави на било која возраст, а најчесто се дијагностицира кај луѓе кои се на возраст помеѓу 15 и 30 години
Кроновата болест, исто така позната како регионален ентеритис, е хронична воспалителна болест на дигестивниот тракт. Заедно со улцеративниот колитис, Кроновата болест спаѓа во групата на заболувања познати како воспалителни болести на цревата.

Симптомите вообичаено вклучуваат абдоминална болка и дијареа понекогаш проследена со крв, и губење на тежината. Третманот за Кроновата болест се состои од промени во животниот стил, како што се вежбање и здрава исхрана, како и земање на антидиуретици и анти-инфламаторни лекови.

Кроновата болест обично влијае на долниот дел на тенкото црево и на почетокот на дебелото црево. Сепак, болеста може да се појави на било кој дел од гастроинтестиналниот систем. Оттука, воспалението може да влијае на тенкото и дебелото  црево, стомакот, хранопроводот, понекогаш дури и на устата. Кроновата болест може да се појави на било која возраст, а најчесто се дијагностицира кај луѓе кои се на возраст помеѓу 15 и 30 години.

Причини за заболување од Кронова болест

„Кроновата болест најверојатно се должи на абнормален одговор на имунолошкиот систем“

Иако постојат многу теории за тоа што предизвикува Кронова болест, ниту една од нив не е сè уште докажана. Сепак, една позитивна страна е тоа што постои разбирање за можните причини за Кроновата болест и како тие се меѓусебно поврзани. Ова придонесува да може подобро да се разберат симптомите, дијагнозата и третманот на болеста.

Кроновата болест најверојатно се должи на абнормален одговор на имунолошкиот систем. Храна или бактерии во цревата, па дури и поставата на дебелото црево може да предизвика неконтролирано воспаление поврзано со Кроновата болест.

Прочитајте:  Синдромот Лима

Научниците веруваат дека Кроновата болест е вообичаено предизвикана од комбинација на следниве фактори:

Симптоми на Кронова болест

Секому се случува да има стомачни грчеви со дијареа или запек. Непријатно е, но обично овој проблем се надминува брзо. Но кога овие симптоми се многу чести и создаваат сериозни потешкотии постои шанса да станува збор за Кронова болест. Иако нема лек, постојат третмани за справување со болеста.

Најчести симптоми на Кроновата болест се:

  • дијареа;
  • болки во стомакот;
  • губење на тежина;
  • крварење од ректумот;
  • запек;
  • замор;
  • гадење;
  • треска;
  • ненадејна и честа потреба за одење во тоалет.

Други симптоми може да се развијат, во зависност од компликации поврзани со болеста.

На пример, кај лице со фистула во ректалната област може да има болка и празнење околу ректумот. Други компликации од Кронова болест вклучуваат:

  • артритис;
  • жолчни камења;
  • воспаление на очите и устата;
  • бубрежни камења;
  • заболување на црниот дроб;
  • кожен осип или чиреви.

Третман на Кронова болест

Не постои лек за Кроновата болест. Третманот на оваа воспалителна болест може да вклучува комбинација од различни лекови, додатоци во исхраната, хирургија или комбинација на овие терапии. Изборот на третманот зависи од тоа кој дел е посериозно зафатен од болеста. Тие, исто така, зависат од компликациите поврзани со болеста и од начинот на кој лицето од минатото реагирало на третман кога се појавиле симптоми. Обично со третманите се цели кон:

  • намалување на воспалението;
  • ублажување на симптомите на болка, дијареа и крварење;
  • елиминација на нутритивните недостатоци.

Споделете со пријателите!