Интересни факти за сладоледот

Пред да се измисли модерниот начин на замрзнување, сладоледот бил сметан за луксуз

Сладоледот е омилениот десерт на сите генерации, тој е вкусен, ладен и хранлив. Во него се ужива многу одамна, уште старите народи во Персија и Кина дури 200 години п.н.е јаделе сладолед, Римјаните мразот го комбинирале со овошни преливи, а Арапите биле едни од првите кои што користеле млеко како главна состојка за производство на сладолед. Пред да се измисли модерниот начин на замрзнување, сладоледот бил сметан за луксуз и се служел само во посебни пригоди.

Денес сладоледот може да се најде во многу вкусови, а едни од најнеобичните вкусови на сладолед, се оние со вкус на авокадо, лук, сланина. Еден за најпознатите сладоледи се смета италијанскиот сладолед џелато, кој сè уште се прави на традиционален начин и секоја слаткарница се одликува со карактеристичен вкус. Сладоледот претставува одличен извор на енергија и дури и состојките со ниска масленост имаат висока калорична вредност.

Во продолжение, прочитајте неколку факти за најпознатиот десерт на светот:

• Првиот познат рецепт за сладолед бил рачно напишан во книга со рецепти во 1665 година, додека првиот документиран рецепт за сладолед од чоколадо, се појавил во книга за готвење, издадена во Италија во 1692 година;
• Фотографите кои фотографираат храна, многу често наместо вистински сладолед, користат пире од компири, со цел да направат повеќе фотографии и да не се грижат дека моделот ќе се стопи при процесот;
• Познатото „смрзнување на мозокот“ додека јадеме сладолед, се случува бидејќи нервните завршетоци на крајот од јазикот не се навикнати да чувствуваат ладно, па му праќаат порака на мозокот сигнализирајќи дека се губи телесната топлина. Оваа реакција се манифестира преку главоболка, која настанува заради ненадејната промена на крвотокот во предната церебрална артерија;
  
• Професионалните експерти за сладолед, користат специјални златни лажици секогаш кога пробуваат нов вкус. Златната лажица се користи за да нема можна трага од претходен вкус;
• Во 1984 година, американскиот претседател Роналд Реган го прогласил месец јули за Национален месец на сладоледот, а исто така, Американците слават и Национален ден на сладоледот, секоја трета недела од јули;
• Актерката Ума Турман, за потребите на снимањето на филмот „Кил Бил“, наводно изгубила пет килограми за кратко време, јадејќи само сладолед и пудинг од темно чоколадо;
• Сладоледот од ванила е најпопуларниот вкус на сладолед во светот;
• За да изедете едно топче сладолед треба да лизнете околу 50 пати;
• Најголемиот корнет за сладолед според Гинисовата книга на рекорди, е направен минатата година во Норвешка, висок 3,08 метри во кој собира сладолед за 10 800 луѓе, и тоа за секого по 2 топчиња.