najcesti-problemi-so-bradavicite_images
Споделете со пријателите!

Еден од најчестите проблеми со градите со кои што жените денес се соочуваат, освен ракот, се и заболувањата на брадавиците
Не се препорачува игнорирање на промените на брадавиците, затоа што тие може да бидат знак за постоење на сериозна здравствена состојба што треба да биде дијагностицирана од страна на соодветен специјалист. Знаци дека имате проблеми со кожата на дојките е појавата на осип, акни, грутки и дисколорација на кожата. Многу од овие знаци не треба да се игнорираат.

Проблемите со брадавиците вклучувајќи ги и  оние кои се однесуваат на млечните канали, можат да се појават и кај мажите.

Најчести причинители на заболувањата кај брадавиците, претежно се инфекции во ткивото на градите, бенигни (неопасни) тумори, хипотироидоза, тумор на хипофизата, и во ретки случаи причината може да е појава на болеста на дојките наречена Пегетов карцином на брадавиците. Други најчести проблеми со брадавиците се следниве:

Додатни брадавици

Додатните брадавици не се формираат како нормалните брадавици и генерално, овој проблем не предизвикува штета за вашето здравје.

Влакнести брадавици кај жените

Доколку ви се појават влакна околу брадавиците, тоа е јасна информација дека можеби патите од синдром на полицистични јајници. Се препорачува скрининг на абдоменот за да се започне со навремено лекување. Влакнестите брадавици сами по себе не се алармантна појава. Влакната може да се отстранат со помош на пинцета, но секако претходно со контрола и препорака од лекар.
najcesti-problemi-so-bradavicite_images1

Превртени брадавици

Доколку од раѓањето и во текот на целиот живот брадавиците ви се превртени, нема потреба од грижи. Ова е многу честа појава застапена кај многу жени. Но, доколку брадавиците никогаш не ви биле превртени, тоа може да биде знак за карцином. Во ваков случај задолжително треба да побарате лекарска помош.

Прочитајте:  Храна против настинка

Лушпести брадавици

Доколку брадавиците ве чешаат, се лушпести и испукани, најверојатно тоа е знак дека имате егзема. Тоа е проблем со кожата и нема потреба да бидете загрижени поради него и можете да се излечите со употреба на соодветен крем. Брадавиците не треба да се чешаат затоа што тоа може да доведе до нивно оштетување.

Ослободување течност

Кај повеќето од постарите жени кои имале деца, се појавува проблемот со ослободување на течност од брадавиците. Оваа појава може да ги засегне и момчињата и девојките во пубертет. Најопасно е кога течноста што се излачува е крвава. Тоа може да биде знак за појава на канцер.

Рани на брадавиците

Просечно околу 90% од жените го имаат овој проблем. Брадавиците стануваат разранети и преосетливи на допир. Овој неопасен проблем со брадавиците може да се влоши во зависност од менструалниот циклус и за време на менопаузата. Сепак, доколку се појави црвенило и невообичаена промена на бојата на кожата, веднаш побарајте медицинско мислење.  


Споделете со пријателите!