Масното ткиво околу абдоменот лесно се таложи, но тешко се губи
Во средовечните години, мастите околу стомакот започнуваат да се акумулираат повеќе отколку претходно. Жените се поподложни на оваа ситуација за разлика од мажите. Вишокот на килограми и масти се натрупуваат околу стомакот, а повеќето од луѓето не се ни загрижени поради тоа и го прифаќаат како нормална последица на процесот на стареење. Но, вишокот на масти во стомакот оди право пропорционално со здравствени проблеми, па поради тоа не би требало да се занемарува.
Абдоминално и поткожно масно ткиво
Постојат два типа на масти во стомакот: абдоминални масти и поткожни масти. Абдоминалните масни ткива се всушност мастите длабоко во стомакот покрај празните места околу органите. Поткожните се наоѓаат веднаш под површината на кожата и тој предел од кожата лесно може да се зграпчи со рака. Првиот вид на масно ткиво е поопасно за разлика од вториот. Абдоминалните масни наталожувања се поврзуваат со нарушувања на метаболизмот и со зголемен ризик од кардиоваскуларни болести и дијабетес тип 2.
Кај жените се поврзуваат и со рак на дојка и проблеми со жолчката. Хормоните и наследните гени играат голема улога во таложењето на мастите. Дека мастите околу стомакот можат да бидат штетни по здравјето, е предмет на истражување на многу научници и лекари. Преку разни истражувања научниците се обидуваат да дознаат кои здравствени проблеми се поврзуваат со наталожените масти, а исто така ги набљудуваат и промените кај луѓето што се резултат на возраста и губењето или зголемувањето на тежината. Ние можеме да се ослободиме од абдоминалните масти преку редовно вежбање и одредено редуцирање на исхраната.
Со намалувањето на обемот на половината, се намалува и крвниот притисок заедно со нивото на холестерол.
Поткожното масно ткиво околу половината кај луѓето со нормална телесна тежина не се смета за опасно по здравјето, за разлика од подлабоките, абдоминални масти. Според одредени истражувања, клетките на масното ткиво се биолошки активни.
Вишокот на масти во организмот, особено масните ткива во абдоменот ја нарушуваат рамнотежата и функцијата на хормоните во организмот.
Преку вакви истражувања, научниците дознаваат дополнителни работи за штетата која може да настане заради вишокот на масти. Масното ткиво од абдоменот лачи одредени хемикалии кои можат да го зголемат ризикот од појава на кардиоваскуларна болест. Една од причините зошто вишокот на масти во абдоменот можат да бидат толку штетни е областа во која истите се наоѓаат – близу до порталната вена. Супстанциите како масните киселини кои се ослободуваат од масното ткиво влегуваат во порталната вена и одат во црниот дроб каде влијаат врз создавањето на липидите. Па така, мастите директно се поврзани со холестеролот.
Ослободете се од масните ткива во стомакот
Животниот стил, вежбањето и одредено придржување кон поздрава храна може да ни помогне да се ослободиме од масното ткиво во абдоменот. Најпрво, за да ја доведеме тежината под контрола можеме да започнеме со секојдневна, редовна физичка активност со среден интензитет (барем 30 минути на ден на почетокот, со тенденции да се продолжи до 60 минути дневно). Исхраната е исто така многу важна. Би требало да се внимава на големината на порцијата, да се јаде повеќе овошје и зеленчук, и да се внесуваат протеини.
Денешниот живот е брз и доста стресен, па не е ни чудно што забележуваме сè повеќе и повеќе наталожени масти во пределот на абдоменот. Но, научниците ни даваат и надеж преку нивните истражувања. Тие се надеваат дека ќе развијат посебни лекови чија цел ќе биде вишокот масно ткиво.
