koja-hrana-treba-da-se-izbegnuva-za-vreme-na-doenjeto
Споделете со пријателите!

Периодот на доење претставува водење поголема грижа за исхраната на мајката поради појава на можни алергии кај новороденчето

Покрај периодот на бременоста во кој жената треба да внимава на храната, неопходно е да внимава и додека дои, бидејќи новороденчето  не може да процесира одредени видови на храна и напитоци, на истиот начин на кој може возрасен организам. Исхраната треба да се состои од храна богата со железо, протеини и калциум. Затоа е најдобро, мајките што дојат да водат дневник за храна, бидејќи на тој начин ќе можат полесно да одредат за што станува збор, доколку доенчето покажува знаци на алергија. Во продолжение, прочитајте кои видови на храна и напитоци треба да се избегнуваат за време на доењето.

Кафе

Избегнувајте да пиете повеќе од 2 шолји кафе дневно, бидејќи кофеинот може да го вознемири бебето и да му го наруши сонот. Избегнувајте и поголеми количини на чоколадо, токму поради присуството на кофеинот.

Риба

Рибата е здрава за организмот и не треба целосно да се избегнува, но треба да се внимава каква риба се консумира. Некои риби може да содржат поголемо присуство на жива во нив, која ќе го пронајде патот до мајчиното млеко.

Алкохол

И покрај тоа дека е здраворазумски да не се  консумира поголема количина на алкохол, сепак треба да се напомене дека тоа правило не се однесува на една чаша пиво или вино, кои се дозволени, туку на поголема количина на алкохол или опивање.

Покрај горенаведеното внимавајте на премногу зачинета храна, мешункаст зеленчук и премногу јаки и мешани билни чаеви.

Прочитајте:  Апстинирање од дневната доза кафе може да доведе до главоболка

 


Споделете со пријателите!