pridobivki-od-jadenje-riba
Споделете со пријателите!

Рибата е богата со круцијални нутритиенти, коишто повеќето од луѓето не ги внесуваат во доволна мера. Постојат многу здравствени придобивки од консумирањето повеќе риба, но и многу штетни последици по здравјето доколку рибата ни недостасува во диетата
Рибата е една од најздравите хранливи производи на планетава. Таа е вкусна и лесна за подготовка. Натоварена е со важни нутритивни состојки, како што се протеините и витаминот Д. Рибата исто така е најдобриот природен извор на Омега 3 масни киселини, неопходни за телото и мозокот. Рибата и маслиновото масло се најглавните причини зошто медитеранската кујна е една од најздравите.

Искористете ги летните денови за риболов и за јадење повеќе риба

Рибата е богата со клучни нутритиенти, коишто повеќето од луѓето не ги внесуваат во доволна мера. Генерално, сите видови на риба се здрави и добри за организмот. Рибата во себе вклучува високо квалитетни протеини, јод и разновидни витамини и минерали. Како и да е, некои видови риба се подобри од другите, додека пак, мрсните видови на риба се сметани за најздрави.

Тоа е така бидејќи мрсните риби како лосос, пастрмка, сардини, туна и скуша имаат поголемо количество на нутритивни состојки базирани на масти. Таму се содржи и витаминот Д, кој е растворлив во масти. Многу луѓе имаат дефицитет од овој витамин. Тој функционира како стероид во организмот. Мрсните риби се богати и со Омега 3 масните киселини. Овие масни киселини се круцијални за функционирањето на телото и мозокот. Тие исто така спречуваат настанување на многу заболувања.

Рибата може да го намали ризикот од срцеви удари и мозочни удари

Рибата се смета како една од најздравите храни за здраво срце. Многу студии потврдија дека луѓето кои редовно јадат риба, имаат помал ризик од срцеви заболувања, мозочни удари и смрт од срцеви болести. Омега 3 мастите влијаат позитивно на срцето.

За да ги задоволите своите потреби за Омега 3, препорачливо е да се јадат мрсни риби еднаш или два пати неделно.

Омега 3 мастите се круцијални за растењето

Рибата содржи хранливи нутритиенти неопходни за време на растот и развојот. Омега 3 масната киселина наречена докосахексаеноична киселина – Docosahexaenoic acid е особено важна, бидејќи се акумулира во мозокот и очите во развој.

Трудниците треба да внимаваат при изборот на риба

Поради ова, често се препорачува трудните жени и доилките да јадат доволно Омега 3. Сепак, треба да се има пред вид и тоа дека некои риби се богати со жива, која е поврзана со проблеми во развојот на мозокот. Затоа трудниците треба да внимаваат кои риби ги јадат. Треба да јадат само риби кои се наоѓаат пониско во синџирот на исхраната (лосос, сардини, пастрмка) и не повеќе од 340 грама неделно. Трудните жени треба исто така да избегнуваат сурова и незготвена риба (вклучувајќи и суши), бидејќи може да содржи микроорганизми кои може да го оштетат фетусот.

Прочитајте:  Разлики помеѓу целото овошје и сокот од овошје

Рибата може да те направи попаметен

pridobivki-od-jadenje-riba-1Рибата може да го намали губењето на сивата маса во мозокот и да го заштити овој орган од оштетувања поврзани со староста. Многу научни студии покажаа дека луѓето кои јадат повеќе риба имаат побавни стапки на когнитивниот пад. Оние кои јадат риба секоја недела имаат помало намалување на сивата маса во центрите од мозокот кои ги регулираат емоциите и меморијата.

Рибата превенира депресија

Јадењето риба може да те направи посреќна личност. Научните студии потврдуваат дека луѓето кои редовно јадат риба, потешко е веројатно да западнат во депресија или да се биполарно растроени. Тоа е така бидејќи Омега 3 масните киселини го намалуваат нивото на стресот и го спречуваат штетното дејство на хормоните на стресот, најчест предизвикувач на рак. Во други студии потврдено е пак, зголемувањето на ефективноста од лековите против депресија, благодарение на Омега 3.

Рибата е единствениот здрав извор на Витамин Д

Дури и 113 грама зготвен лосос содржи околу 100% од препорачаниот внес на витамин Д. Некои рибини масла, како што е маслото од црн дроб на бакалар, се исто така доста богати со витамин Д. Тие обезбедуваат дури и повеќе од 200% од препорачаниот внес во една супена лажица.

Рибата го намалува ризикот од Дијабетес тип 1

Консумирањето риба е поврзано со намален ризик од автоимуни болести, вклучувајќи го и дијабетесот тип 1. Оваа болест се состои од напаѓање на клетките што произведуваат инсулин од страна на имуниот систем во панкреасот. Многу од студиите потврдија дека Омега 3 го намалува ризикот од појава на ваквите болести, како кај децата, така и кај возрасните.

Научните студии потврдуваат дека редовното консумирање на риба е поврзано со 24% намален ризик од астма кај децата. Рибата исто така го подобрува квалитетот на спиењето. Дефицитетот на витаминот Д игра важна улога во квалитетот на сонот. За време на 6 месечна студија спроведена врз 95 средовечни мажи, јадењето на лосос 3 пати во неделата, кај нив доведе до подобрување на сонот, но и подобрување на дневното функционирање.

Рибата ги штити очите

Омега 3 мастите претставуваат заштита од макуларна дегенерација, болест која ги засега старите лица и која доведува до слепило. Според истражувањата редовното консумирање риба беше поврзано со 42% намален ризик од макуларна дегенерација кај жените.


Споделете со пријателите!