Ако сте претерале со алкохолот, следното утро може да ви биде тешко – главоболка, а и тежина во вашиот стомак. Еве што треба да се јаде за да се олеснат симптомите на мамурлакот
Започнете со голема чаша вода. Вашето тело е дехидрирано и тоа е причината зошто имате главоболка. Ако водата не ви помогне, тогаш пробајте со сок бидејќи и шеќерот ви е сигурно паднат. Но, немјте да пиете сок од портокал, лимон или некој кисел сок, сок од јаболка, круши, боровинки, јагоди се секогаш подобро решение.
Од киселите вкусови киселите краставички може да ви помогнат, затоа слободно изедете две до три. Така ќе ги надокнадите изгубените А и К витамини, како и калциумот, калиумот и магнезиумот.
Бананите се одличен извор на калиум, а со оглед на фактот дека лесно и брзо се јадат, тие се одлични за мамурлак, но немојте да претерате, една до две се сосема доволни за да се ублажат симптомите на мамурлакот.
Ако сте гладни, изедете поголемо парче леб, а ореви, бадеми или лешници истотака добро би ви дошле.
Една добра идеја за лекување на мамурлук е и овој сендвич.
Оние кои не можат да го започнат денот без кафе, треба да знаат дека една чаша црно и јако кафе го ублажува замор и главоболка, но сето тоа е само моментално, симптоми те од мамурлакот наскоро ќе се вратат во полна сила. Уште полошо е што кафето е диуретик кој ја зголемува дехидрација на телото, што значи дека во фазата на мамурлук ќе направи повеќе штета отколку добро.
Аспиринот и лекови базирани на ибупрофен ја ублажуваат главоболка и болка во мускулите, но не би требало да ги пиете доколку имате болки во стомакот и нагони на повраќање.
Време лечи се! па и мамурлукот. Најдобро е по појадокот и внесување на голема количина на течности најдобро е да се вратите во кревет.
