Луѓето со сериозни здравствени проблеми би биле неизмерно благодарни доколку имаат можност да се лекуваат во некоја од овие земји. Запознајте се со степенот на развиеност во одредени земји, во поглед на тоа колку се помага и вложува во нови медицински истражувања, а со самото тоа и во нови поразвиени третмани.
Медицината е една од научните области кои најбрзо се развиваат. Земјите ширум светот трошат трилиони долари за истражувања на нови лекови за најопасните и најсмртоносните болести во светот. Во распон од три децении, вирусот ХИВ премина од задолжителна смртна казна, во состојба која може д асе стабилизира. Многу од типовите на рак денес може да се излечат, особено кога се рано откриени.
За жал сите не можат да имаат корист од напредната медицинска нега.
Постојат многу делови од светот каде што здравствениот систем е во многу лоша состојба. Најголемата причина за овој проблем е недостигот од донации од страна на Владите на овие земји, бидејќи нивните буџети немаат доволно пари за да инвестираат во болниците и докторите. Државите кои имаат најразвиена медицина се всушност оние кои се технолошки најразвиени во светот.
Оваа листа е направена од страна на Insidermonkey и се фокусира на медицинскиот напредок, односно на бројот на документи од медицински истражувања и број на цитати. Епа, да видиме кои држави спроведуваат најмногу истражувања и кои од нив развиваат најдобри револуционерни технологии во светот:
10. Шведска
Не треба да ве чуди фактот што Шведска се наоѓа на оваа листа, бидејќи скандинавската медицина е многу развиена. Insidermonkey тврди дека би требало да биде и на повисоко место.
9. Австралија
Со 5,5 билиони долари инвестирани во медицински истражувања во 2011 година, оваа земја го заслужува ова место.
8. Холандија
Покрај тоа што е најмалата држава на оваа листа, истражувачките капацитети на Холандија, како оние во Утрехт и Гронинген се многу ценети ширум светот.
7. Италија
И покрај тоа што италијанската економија е во малку очајна состојба, оваа земја продолжува со медицинските истражувања.
6. Франција
Квалитетот на здравствената заштита во Франција е заслуга на грижливата Влада. Франција исто така троши многу пари на истражувања.
5. Канада
Здравствениот систем на Канада беше и сеуште е предмет на завист од нејзиниот јужен сосед.
4. Јапонија
Јапонците објавуваат пет пати повеќе истражувања отколку Кинезите.
3. Германија
Првиот добитник на Нобелова награда за медицина беше Германец, Емил Адолф вон Бехринг – Emil Adolf von Behring во 1901 година. Од тогаш Германија е меѓу четирите земји со најмногу медицински истражувања.
2. Англија
Здравствениот систем на Велика Британија е територијално поделен: Англија, Шкотска, Велс и Северна Ирска. Во поглед на истражувањата и усовршувањата, Англија е водич.
1. Соединетите Американски Држави
САД има најразвиена медицина во светот. Исто така, Америка многу сака да соработува со странски научници, што само ја отсликува желбата за успешност.
