Нивото на холестерол кај детето треба да се тестира и да се надгледува постојано.
Возрасните не се единствените коишто може да страдаат од висок холестерол. Децата, исто така, може да имаат високо ниво на холестерол, што може да предизвика голем број здравствени проблеми во понатамошниот живот, како што се срцеви заболувања или мозочен удар.
Како се третира високиот холестерол кај децата
Првиот чекор во третманот на високиот холестерол кај децата вклучува промени во животниот стил кои можат да делуваат позитивно на целото семејство. Есенцијални промени се држење на диета за губење на телесната тежина, нов режим на исхрана што ќе влучи консумација на здрава храна и редовно вежбање.
Особено треба да го охрабрите вашето дете да ја избегнува преработената храна што содржи големи количини на заситени масти и шеќери. Исто така, неопходно е да ја зголеми физичката активност во текот на денот и да избегнува поминување на многу време пред компјутер, таблет, телевизор и телефон.
Нивото на холестерол кај детето треба да се тестира и да се надгледува по промените во исхраната или по земањето на соодветни лекови, доколку е така препорачано од страна на медицинско лице.
Совети за промена на исхраната
Здравата исхрана е клучна за намалувањето на холестеролот кај вашето дете. Следете ги следниве совети за тоа што да вклучите во секојдневното мени на вашето дете:
Појадок:
- Во појадокот вклучете овошје, жито без шеќер, овес, нискокалорен јогурт и обезмастено млеко.
Ручек и вечера:
- Во ручекот и вечерата вклучете печена или варена, неместо пржена храна. Подготвувајте тестенини, грав, ориз, риба, живина без кожа и сл. Исто така, вклучете свеж зеленчук во оброците.
Закуска/ужина:
- За ужина вклучете овошје, зеленчукот, леб и житарици кои се одличен избор за закуска за децата. Избегнувајте чипсови, газирани сокови и вештачки овошни сокови.
Кога да се посети доктор?
Намалувањето на високиот холестерол кај вашето дете е од голема важност бидејќи состојбата може да доведе до стеснување и стврдување на артериите со што се зголемува ризикот од срцеви заболувања подоцна во животот.
Доколку промените во исхраната и физичката активност сами по себе не го подобрат нивото на холестерол, можно е вашето дете да треба да почне со земање лекови за намалување на холестеролот.
Консултирајте се со доктор доколку вашето дете:
- има и други здравствени проблеми, како што се дијабетес или висок крвен притисок;
- има генетски тип на висок холестерол.
