pienjeto-voda-ne-go-sprecuva-mamurlakot
Споделете со пријателите!

Доколку не сакате да имате мамурлук, внимавајте колку внесувате алкохол, советуваат научниците
„Единствениот практичен начин да се избегне мамурлакот, е да се пие помалку алкохол“
Доколку вашата возраст е до 28 години, тогаш оваа статија не ве интересира. Вие сте групата среќници коишто не патат од мамурлак. Тоа е така, бидејќи, како што телото старее, така толеранцијата за алкохол се намалува. За тоа се заслужни ензимите за процесирање на алкохолот во крвта, кои што со текот на годините се намалуваат. Ако сте се напиле чашка повеќе, треба да се подготвите дека утредента ќе ве дочекаат главоболка, замор, нагони на мачнина и незгаслива жед. Познати се неколку начини за кои што се смета дека помагаат за превенција на овие симптоми како: консумирање големи количини на вода, да се јаде храна дури се пие, да не се меша алкохол, одредени видови на храна кои треба да се консумираат наредниот ден, и слично.

Меѓутоа, најновото истражување открива дека нема превенција за мамурлак, не помагаат ни водата, ниту јадење пред/после пиење. Интернационалната студија спроведена од страна на холандски и канадски истражувачи ги испитуваа навиките при консумирање алкохол, со цел да најдат решение за утринската мачнина.

pienjeto-voda-ne-go-sprecuva-mamurlakot_1Едниот дел од студијата која беше спроведена врз група од 826 холандски студенти, откри дека сите поминуваат низ процес на мамурлак, но секој на различен начин. Биле забележани минимални разлики кај оние кои што внимавале на препораките, пиеле вода и јаделе пред и после консумирање алкохол, од оние што не внимавале. „Од она што досега го знаеме, единствениот практичен начин да се избегне мамурлакот, е да се пие помалку алкохол.“ вели Д-р Јорис Верстер – Joris Verster, од Универзитетот во Утрехт – Utrecht University.

Другата студија, спроведена врз 789 канадски студенти, ги испитувала навиките на пиење, зачестеноста и количината на внесот на алкохол. Се покажало дека луѓето коишто тврдат дека не патат од мамурлак, всушност пијат помалку отколку што мислат.

Прочитајте:  Потребата да се идеализира за да се сака

Во нашата традиција постои една поука која вели: „Сè што е претерано, не е убаво.“ Оваа максима важи во многу животни аспекти, а поврзано со оваа проблематика, оваа мисла треба да биде златно правило. Ова ново истражување уште еднаш потврдува и предупредува дека без оглед на возраста, доколку сакате да бидете здрави и витални, секогаш треба да внимавате на умереноста при консумирање на алкохол, и секако, доколку не сакате да бидете жртви на мамурлак.


Споделете со пријателите!