optimizmot-moze-da-spreci-gubenje-na-memorijata_image
Споделете со пријателите!

Оптимистичкиот став кон животот може да помогне во спречување на губењето на меморијата
Оптимизмот претходно беше поврзуван со позитивните здравствени навики, како вежбањето и консумирањето на здрава исхрана и намалување на ризикот од разни здравствени состојби, вклучувајќи мозочен и срцев удар. Новата студија насловена „Диспозиционален оптимизам и зачестеност од когнитивни оштетувања кај постари личности“ од Универзитетот во Мичиген, САД, чии наоди се објавени во зборникот Psychosomatic Medicine и на порталот Academia, се чини дека е првата ваква студија, која се занимава со проблематиката на врската помеѓу оптимизмот и менталното здравје кај возрасните лица над 65 годишна возраст.

„Трошоците за третирање на деменција, до 2050 год. се очекува да достигнат 1,1 милијарди долари“

Бидејќи бројот на луѓе кои живеат со когнитивни нарушувања или деменција се очекува да се зголеми од 5, 1 милион во 2015 година на 13, 8 милиони до 2050 година, трошоците за третирање на оваа болест исто така се очекува да пораснат од 226 милиони во 2015 година, до 1,1 милијарди долари во 2050 година. Затоа истражувачкиот тим верува дека тоа е област која бара понатамошно истражување.

„Чувствувавме дека ова е важна тема за истражување и за нашето знаење, ова е прва студија којашто ја истражува врската помеѓу оптимизмот и когнитивните нарушувања кај повозрасните“ – рече главниот истражувач, студентката Катерина Гавронски – Katerina Gawronski која дипломирала на Универзитетот во Мичиген, а сега студира генетика на Универзитетот во Пенсилванија. Другите автори на оваа студија се д-р Кенет Ланга – Kenneth Langa, професор од Одделот за интерна медицина и Факултетот за јавно здравје при Универзитетот во Мичиген и д-р Лора Кабзански – Laura Kubzansky, професорка од Харвард.

„Затоа оптимизмот може да биде нова и ветувачка цел за превенција и интервенциски стратегии насочени кон подобрување на когнитивното здравје“ – коментира еден од авторите Ерик Ким – Eric Kim од Универзитетот во Харвард.

Користејќи податоци од студијата за здравје и пензионирање, Американска национална анкета финансирана од страна на Националниот институт за стареење, а спроведена од страна на Универзитетскиот институт за социјални истражувања, истражувачите разгледувале податоци од 4, 624 испитаници на возраст од 65 години и повеќе во период од четири години. За време на студијата, 502 од испитаниците развиле когнитивни оштетувања, состојба чии симптоми се состојат од намалена меморија, потешкотии во решавањето на проблеми и донесување на добри одлуки.

Прочитајте:  луѓе во светот имаат супер меморија или хипертиместија, што значи дека го паметат секој детаљ од нивниот живот

Тимот откри дека по земањето предвид на разновидните здравствени навики во однесувањето, биолошките фактори и психолошките променливи, колку било повисоко нивото на оптимизам пријавено од страната на учесниците, толку биле помали шансите кај нив да се развие состојбата. Истражувачите истакнале дека чувството на оптимизам може да се зголеми и со едноставни практични совети за како позитивно да го започнете денот или вежби за емоционална интелигенција, со цел да се постигне чувство на среќа.


Споделете со пријателите!