Околу четвртина од луѓето пијат алкохолен пијалак пред спиење, бројка што е зголемена за 16% во изминатите 4 години
По долгиот ден на работа следуваат домашните обврски по кои, без сомнение, секому му треба добар и квалитетен сон. Многумина пред спиење претпочитаат да се релаксираат со топла бања, додека многумина со неодолива чаша вино или пенливо пиво.
Алкохолот пред спиење е токму она за кое експертите често предупредуваат дека всушност може да го влоши сонот, предизвикувајќи прескокнување на фазите на спиење што резултираат со умор, изнемоштеност и тегоби наутро. Додека многумина сметаат дека алкохолот им обезбедува подобар сон и полесно заспивање, многу досегашни истражувања докажаа дека, всушност, тој влијае негативно на истите.
Процентот на оние што заспиваат со книга во рацете е 26%, бројка којашто пред 4 години изнесувала 40%
Едно поново истражување спроведено на повеќе од 5 000 возрасни луѓе од страна на „The Sleep Council“, откри дека четвртина од луѓето се потпираат на алкохолен пијалак пред спиење, бројка што е зголемена за 16% во изминатите 4 години. За разлика од нив, процентот на оние што заспиваат со книга во рацете е 26%, бројка којашто пред 4 години изнесувала 40%. Според ова истражување, алкохолниот пијалак пред спиење најчесто го консумираат испитаниците на средна годишна возраст, односно најмногу помеѓу 45 и 54 години.
Како алкохолот влијае на фазите на спиење?
Консумацијата на алкохол пред спиење може да предизвика прескокнување на некоја од почетните фази на сонот и директно паѓање во длабок сон. Дури и неколку чаши алкохол може да влијаат негативно на нормалниот процес на заспивање и на фазите на сонот, особено на првата фаза, позната како РЕМ фаза.
Со прескокнувањето на нормалните фази на сонот, се доаѓа до длабокиот сон во кој вообичаено телото се регенерира и оттука, алкохолот може да има негативно влијание и да го попречи овој природен процес.
Кога алкохолот ќе започне да испарува од телото, всушност се враќаме во првата, РЕМ фаза, во која сонот не е цврст и лесно се будиме. Токму ова, докажува зошто кога пиеме алкохол често се будиме само по неколку часа спиење. Во нормалниот просец на спиење во текот на ноќта најчесто поминуваме низ шест или седум циклуси на РЕМ фазата заради што се будиме свежи и наспани, додека по консумацијата на алкохол поминуваме низ само еден или два РЕМ циклуси што предизвикуваат мамурност и исцрпеност во утринските часови.
Со што да го замените алкохолот пред спиење:
- Напијте се чаша топло млеко или чај;
- Проветрете ја собата во којашто спиете;
- Вежбајте редовно.
