Следниве неколку совети ќе ви помогнат полесно да заспиете и да имате подобар сон
Според едно истражување спроведено од Американската организација „National Sleep Foundation“, просечното време кое му е потребно на човекот за да заспие се 10 до 20 минути. Сепак, многупати, кога сме многу уморни, нашиот мозок се соочува со постојаната мисла за поминатиот ден, обврските што сме ги завршиле, како и од денот и обврските што се следат во текот на утрешниот ден, па оттука не можеме да заспиеме и постојано се превртуваме во креветот. Следниве четири совети ќе ви помогнат да го опуштите телото и мозокот и да ја победите несоницата.
1. Освежете ја собата со чист воздух и есенцијално масло од лаванда
Според некои истражувања идеалната температура за собата во која спиете е околу 18 степени. Пред да си легнете отворете го прозорецот да влезе чист и свеж воздух во вашата соба, а потоа ставете неколку капки масло од лаванда на памук или на перницата. Свежиот воздух и мирисот на лаванда ќе ве смират и ќе ви помогнат полесно да заспиете.
2. Истуширајте се или подгответе си топла бања
Кога сте многу уморни и имате безброј мисли на ум, пред да си легнете подгответе си пријатна вечерна бања или доколку немате многу време истуширајте се со топла вода. Топлата вода ќе ви помогне да се релаксирате од напорниот ден и ќе ја зголеми вашата телесна температура по што заспивањето во претходно разладената спална соба ќе биде идеално.
3. Неколку минути дишете низ левата ноздра
Ова необично дишење потекнува од јогата. Имено, станува збор за техника на дишење која се практикува за регулирање на крвниот притисок и за смирување на телото. Кога долго не можете да заспиете и се вртите лево и десно во креветот, обидете се неколку минути да се сконцентрирате, потоа затворете ја десната ноздра со десниот палец и дишете полека само низ левата ноздра. Оваа техника ќе ви помогне да се смирите и да се релаксирате со што ќе успеете полесно да заспиете.
4. Читајте книга
Многумина кога не можат да заспијат го земаат мобилниот телефон во рака или го уклучуваат телевизорот и лаптопот за да гледаат филм или серија. Наместо ова, пробајте да читате интересна книга. Читањето ќе ги отргне мислите што ве мачат, ќе ги опушти сетилата и ќе го донесе сонот. Во овие часови на несоница, избегнувајте ги книгите со мотивациски содржини коишто би поттикнале дополнителни прашања, грижи и мисли.
