dali-kokosovoto-maslo-e-dobro-za-nasheto-zdravje_image
Споделете со пријателите!

Кокосовото масло од многумина го доби епитетот супер-масло. Оттука, тоа има разновидна примена во козметиката и во исхраната.
Подолг период се зборуваше дека мастите се лоши за нашето здравје и се потенцираше дека храната со големо количество масти треба да се замени со храна со помало количесто на масти. Оттаму, полека се учевме да ги избегнуваме лошите (заситени и хидрогенизирани) масти и да ги консумираме добрите (незаситени) масти за го одржуваме здравјето на нашите артерии.

Без разлика за што се користи, контроверзноста околу кокосовото масло продолжува и одговорот на честопоставуваното прашање „Дали е добро за здравјето?“ сè уште се бара. Зошто?

Кокосовото масло од многумина е сметано за супер-храна, но од страна на „Светската здравствена организација“ и „Американската асоцијација за срцеви болести“, тоа беше етикетирано како дел од лошите масти што всушност треба да се избегнуваат.

Но кои се научните факти и што кажуваат истражувањата за кокосово масло?

Многу од тврдењата за кокосовото масло произлегуваат од истражувањата објавени во една студија спроведена во 2003 година од страна на д-р Мари-Пјер Сен-Онге, професорка на Универзитетот Колумбија во Њујорк, САД.

Мари-Пјер открила дека кај жените со прекумерна тежина консумацијата на триглицериди од среден ланец, како оние што се содржани во кокосовото масло, довела до зголемување на трошокот на енергија и оксидацијата на маснотии во споредба со жените кои консумирале триглицериди од долг ланец или заситени масни киселини.

Но Мари-Пјер во својата студија користела храна со масти што не го вклучувала кокосовото масло и таа никогаш не тврдела дека кокосовото масло е тајната на резултатите што се добиле во нејзиното истражување. Сепак гласините се прошириле дека резултатите се должат на кокосовото масло со што истото постана надалеку познато како супер-масло.

Друга студија од 2009 година во која биле вклучени 40 жени покажала дека консумацијата на 30 милилитри кокосово масло дневно во период од 12 недели се поврзува со зголемување на нивото на липопротеини со висока густина (HDL) и, истовремено, со намалување на обемот на половината.

„Еден од проблемите со контроверзноста околу кокосовото масло е недостатокот на квалитетни, издржани студии со веродостојни податоци.“

Понатаму многу различни студии и истражувања на темата „Дали кокосовото масло е здраво“ се спроведени со што сликата станува сè помалку јасна. Од една страна „Светската здравствена организација“ и „Американската асоцијација за срцеви болести“ потенцираат да се ограничи употребата на кокосовото масло. Имено, „Американската асоцијација за срцеви болести“ издаде соопштение во врска со незаситените масти и кардиоваскуларни заболувања во јуни 2017 година, во кое препорача консумацијата на заситени масти да се замени со консумацијата на незаситени масти. Со други зборови тие истакнуваат дека незаситените масти содржани во рибата, авокадото, оревите, сончогледот и маслиновото масло треба да ги заменат заситените масти застапени во наоѓаат во месото, путерот, сирењето, палмовото и кокосовото масло.

Прочитајте:  Воздухот во канцеларија го забавува вашиот мозок

Многумина се запрашуваат „Зошто?“ и го добиваат одговорот дека заситените масти се лоши за нашето кардиоваскуларно здравје. Но три нови студии од 2017 година потенцијално го менуваат она го знаеме или мислиме за мастите и холестеролот. Првата студија покажа дека заситените масти можеби и не предизвикуваат затнување на артериите, додека втората открива поврзаност помеѓу „добриот“ холестерол и стапката на смртност. Третата студија, пак, покажа дека високите нивоа на „добриот“ холестерол не можат да нè заштитат од срцеви заболувања, како што претходно се сметаше.

Што вели најновата студија?

Еден од проблемите со контроверзноста околу кокосовото масло е недостатокот на квалитетни, издржани студии со веродостојни податоци. Една нова студија, спроведена од страна на тимот на Би Би Си – „Верувајте ми јас сум доктор“ заедно со професори од Универзитетот во Кембриџ во Обединетото Кралство објави нови наоди.

dali-kokosovoto-maslo-e-dobro-za-nasheto-zdravje_image1Целта на студијата била да ги истражи ефектите на кокосовото масло, маслиново масло и путерот кај 94 возрасни лица. Од секој учесник во студијата било побарано да консумира 50 грама од една од овие масти дневно во период од 4 недели. Добиените резултати биле изненадувачки бидејќи кај оние коишто консумирале кокосово масло се забележало зголемување на нивото на „добриот“ холестерол за 15 отсто, додека кај оние коишто консумирале маслиново масло зголемувањето изнесувало само 5 отсто. А, всушност, маслиновото масло се смета за добро за нашиот кардиоваскуларен систем.

„Доколку се водиме според премисата дека липопротеинот со висока густина (HDL) е добар, тогаш овие резултати одат во корист на кокосовото масло. Сепак, важно е да се напомене дека резултатите од оваа студија не се финални и сè уште мора да се третираат како прелиминарни“, истакнуваат истражувачите.


Споделете со пријателите!