5-utrinski-soveti-za-podobar-pocetok-na-denot_image
Споделете со пријателите!

Неколку совети за започнување утрото што ќе ви дадат енергија за текот на целиот ден 
Вечниот проблем со кој се соочуваме, е во колку часот наутро да го наместиме алармот за да можеме квалитетно да се наспиеме и воедно да имаме доволно време за да се подготвиме за денот што следи. Некои од нас го започнуваат утрото многу динамично и хаотично, пиејќи само една шолја кафе или чај, додека пак други, многу бавно и мрзеливо ги вршат своите секојдневни долги утрински ритуали. Ви претставуваме пет совети со кои вашето утро нема да биде ниту хаотично, ниту пак мрзеливо, и кои ќе ви овозможат организирано и ефективно да го започнете денот.

1. Будете се порано и секогаш во исто време

Пробајте секој ден да се будите во исто време, барем еден час порано од вообичаено, за да имате доволно време да се подготвите. Потрудете се да го задржите истото темпо секој ден за да не го „шокирате“ организмот, брзајќи да стигнете навреме на работа. Будењето во исто време ќе ви овозможи да создадете одличен биоритам и ќе ви помогне да се будите посвежи секое утро.

2. Напијте се чаша топла вода со лимон

Откако ќе се расоните, напијте се чаша топла вода со половина исцеден лимон. Според многу истражувања, ова е одличен начин да го започнете денот, бидејќи комбинацијата на топла вода со лимон ќе го прочисти вашиот организам од токсините што се акумулираат во текот на ноќта, ќе му помогне на дигестивниот систем да се подготви за појадокот и на крајот ќе го освежи и подготви телото за претстојниот ден и сите обврски што следат.

Прочитајте:  Холивудски фитнес трансформации: Робин Рајт

3. Појадувајте здраво

По чашата топла вода со лимон, она што треба да следи е вкусен и здрав појадок. Доколку сте од оние помрзеливите типови на личности, пробајте да изедете барем една банана и јаболко, а доколку уште рано наутро сте динамични, пригответе си јајца или пак вкусно смути од овошје и зеленчук, што ќе ќе ви дадае сила и енергичност.

4. Истегнете се

Физичката активност наутро со сигурност ќе ве расони побрзо. Доколку не располагате со доволно време за вежбање, сосема доволно е само петминутно истегнување на мускулите за да го разбудите телото и да го разбистрите мозокот што ќе ви дојде како бран свежина во сонливото утро.

5. Медитирајте неколку минути

Откако ќе се истегнете, одберете ја омилената положба во која се чувствувате удобно, затворете ги очите и обидете се да медитирате. Доволни се само неколку минути медитација за да ги сосредоточите мислите што подоцна ќе ви помогне да бидете сконцентрирани и продуктивни на работното место.


Споделете со пријателите!