„Традиционалната јапонска исхрана содржи многу зеленчук и супи, а големината на порциите е мала, што значи наодите можеби нема да важат за другите нации“, истакна Су Су Мо, доктор на науки на Факултетот за здравствени науки на Универзитетот Окајама во Јапонија.
Некои експерти тврдат дека избегнувањето на храна два часа пред спиење помага да се спречи нивото на шеќер во крвта и слични здравствени проблеми, како што се дијабетесот и одредени срцеви заболувања.
Сепак, нова студија сугерира дека јадењето лесна храна пред спиење не предизвикува покачување на шеќерот во крвта. Студијата беше објавена на 21 јануари во списанието „BMJ Nutrition, Prevention & Health“.
Во студијата спроведена на територијата на Јапонија, тим истражувачи за период од три години го анализирал здравјето за повеќе од 1.550 здрави возрасни лица на средна и постара возраст, од кои две третини биле над 65 години. Околу 16 отсто од мажите и 7,5 отсто од жените заспивале во рок од два часа по вечерата. Во текот на трите години, немало значителни промени во нивоата на HbA1c (хемоглобин A1c) на учесниците, мерка на просечна гликоза во крвта, која се смета за сигурен показател за идни здравствени ризици. Просечниот HbA1c (хемоглобин A1c) бил во рамките на нормалниот опсег, односно 5,2 отсто во првата година, а 5,58 отсто во втората и третата година со незначителни разлики помеѓу мажите и жените.
Истражувачите откриле дека тежината, крвниот притисок, мастите во крвта (триглицериди), нивоата на физичка активност, пушењето и пиењето сè повеќе се поврзуваат со промени во нивоата на HbA1c (хемоглобин A1c) во споредба со времето на јадење и одење во кревет.
Сепак, бидејќи се работи за опсервациона студија, истражувачите не го знаеле точното време кога учесниците во студијата вечерале, ниту, пак, што содржел нивниот оброк, што може да влијае на резултатите. Дополнително, бидејќи традиционалната јапонска исхрана содржи многу зеленчук и супа, а големината на порциите е мала, наодите можеби нема да важат за другите нации, истакна Су Су Мо, доктор на науки, студент на Факултетот за здравствени науки на Универзитетот Окајама во Јапонија.
„Поголемо внимание треба да се посвети на консумацијата на помали порции здрава храна, одржувањето здрава телесна тежина и квалитетното спиење, како и на избегнувањето пушењето и консумирањето алкохол и прекумерната тежина, бидејќи овие фактори може да имаат поголемо влијание врз метаболичкиот процес“, пишуваат во весникот.
