Исхрана во менопауза

Намирници кои содржат елементарни нутриенти за забавување на промените кои настапуваат во време на климектериум

Климактериум или менопауза е период на премин од репродуктивна состојба на жената во менопауза за кој често се говори. Ова се должи на намаленото производство на женски хормони од јајниците. И токму во овој период потребно е да се внимава на исхрана во насока на внесување на намирници кои содржат нутриенти кои се елементарни за забавување на промените кои настапуваат во него.

Корисни прехранбени производи:

• Намирници кои содржат калциум – обезмастено млеко, урда, јогурт, сирење со низок процент на масти, јајца (не повеќе од 1 неделно), бадеми, природен путер, кафеави алги, семе од синап, соја;
• Намирници кои имаат висока содржина на поли-незаситени масни киселини (растително масло, ореви, јаткасти плодови), кои ги регулираат триглицеридите и холестеролот во крвта;
• Намирници кои содржат моно-незаситени масни киселини и омега-3 масни киселини се (ореви, скуша, лосос, пастрмка) – Житарици (овес, јачмен);
• Трици (богати со витамин Б и целулоза) – може да се внесуваат така што може да се додадат во салати, супи, ќофтиња итн.;
• Билки и зачини (како замени за сол);
• Исто така треба да се обрне внимание на внесување на храни-извори на многу витамини и елементи во трагови, особено овошје и зеленчук со црвени и зелени бои, лиснат зеленчук (моркови, црна рибизла, пиперки, цреши, црвена и бела зелка, црвен грејпфрут).

Оние кои содржат поголема количина бор во составот се:

• Суво грозје;
• Праски;
• Суви смокви;
• Јагоди;
• Сливи и др;

Лененото семе или масло од лен – содржи лигнин, што придонесува за намалување на „топли бранови“ и сувост на вагината.

Производи богати со магнезиум 

• Индиски ореви, алги, зелена салата, кои имаат смирувачко дејство, ја елиминираат вознемиреноста, иритацијата, помагаат во борба против несоницата и промените на расположението;
• Храна која содржи витамин Е (кафеав ориз, авокадо, зелен грашок, грав, компир) – го намалува отокот на градите и го штити срцето;
• Кромидот и лукот иако често се случува да се избегнуваат заради специфичниот мирис, секако дека треба да се редовно застапени во менито бидејќи имаат многу моќно влијание на имунитетот, го намалуваат крвниот притисок и шеќерот;
• Производи богати со калиум (банани, мандарини, суви кајсии, портокали, шипки, школки) – го зајакнуваат срцевиот мускул и нервниот систем;
• Производи кои освен што придонесуваат за зајакнување на имунитетот, делуваат на забавување на појава на старосни промени придонесуваат и за побрзо заздравување на раните се (црна рибизла, киви, магдонос).

За време на климактериум заради хормоналните промени освен забавен метаболизам може да се случи да чувствувате промени во расположението.

• Примери за храна што го регулира метаболизмот и го регулира расположението (грозје, леб од интегрално брашно, пченица);
• Храна што ја штити леќата на окото од влијанието на токсините (школки, ракчиња, кајсии, дињи);
• Сите намирници кои се наведени треба да се подготвуваат во рерна или да се варат на пареа без употреба на маснотии.

Штетни производи кои треба да се избегнуваат:

• Сол;
• Брза храна;
• Зачинети и мрсни јадења;
• Премногу топла храна;
• Алкохол.

Ограничете ја потрошувачката на:

• Путер (до 1 лажичка дневно);
• Колбаси;
• Сланина;
• Кафе;
• Слаткарски продукти кои содржат конзерванси и вештачки состојки.