Дали е морската сол подобра од обичната?
Вообичаено луѓето кои внимаваат на своето здравје преферираат морска сол. Таа на прв поглед изгледа поздрава и некако поприродна.
Морската сол содржи 84 минерали повеќе од преработената на која многу од овие минерали и недостасуваат. Но кога во целост се ќе се согледа се доаѓа до заклучок дека таа и не е толку поздрава во однос на обичната.
Во што е разликата?
Морската сол, всушност како што го кажува името е извадена од море, а настанува со испарување на морската вода. Главната разлика меѓу овие две врсти всушност е текстурата. И едната и другата сол имаат висок процент на натриум кој изнесува околу 40% со разлика што морската сол содржи повеќе минерали.
Дали едната врста е поздрава од другата?
Некоја сол содржи повеќе минерали, но да внесеме повеќе минерали потребно е во организамот да внесеме повеќе сол, така што ќе добиеме повеќе натриум. Според препораките за исхрана во Америка, The Dietary Guidelines for Americans возрасните треба да внесуваат не повеќе од 2300 mg натриум дневно додека срцевите болни, оние со висок притисок или дијабетес треба да земаат до 1500 mg дневно.
Заради својата текстура морската сол има поубав вкус во однос на обичната па токму затоа луѓето би можеле да го намалат внесувањето на натриумот. Затоа сите лекари и нутриционисти советуваат во јадењето да се внесува што е можно помалку сол, а наместо неа да се користат свежи билки, зачини и природни алтернативи кои го појачуваат вкусот како лимонот и лиметата.
