Tema_26_probiotici
Споделете со пријателите!

Пробиотиците имаат широк спектар на позитивни дејства. Во прв ред воспоставување рамнотежа на целокупниот метаболизам, надополнување на терапијата при земање антибиотици кои ја нарушуваат нормалната цревна флора, регулирање на проблемите со дијареата и констипацијата, пропратна терапија за борба против вирусните инфекции, подобар имунитет, справување со стресот итн.

На вашите прашањата еднаш неделно ќе одговара д-р Владимир Андреевски

Правно оградување: Дадениот стручен совет од страна на лекар специјалист како одговор на вашето прашање поставено на „Прашај лекар“, не ја заменува посетата на матичен лекар доколку е нарушена здравствената состојба. Презентираните совети нудат основни информации и насоки кон лицата засегнати од одреден здравствен проблем, со цел, полесно да ја презентираат својата медицинска состојба на својот лекар за да им се овозможи соодветен професионален здравствен третман.


Споделете со пријателите!

ваше прашање (7)

  • Дали е добро и корисно при појава на егзем на дланки кај дете од 14 години да се користат пробиотици како додаток во исхраната? Ви благодарам

  • Гордана Ѓорѓијоска Одговори

    имам внуче од четири години од 18.06.2019 година има покачена температура која се движи од 37 ,2 до 37.7 однесено е на лекар Педијатар и ОРЛ специјалист направени се сите лабараториски испитувања и нема на крвната слика никакви покачувања на ниеден параметар , ЦРП во ред леукоцитите на горна граница. ОРЛ специјалистот има дадено дијагноза сунуситис бидејќи има сливање секрет од носето.
    дадено му е сируп зинат два дена на 29 и 30.06 немаше температура а од 01.07 во вечерните часови пак му се покачува температурата во истите граници од 37,2 до 37,7. му даваат сируп парацетамол за еден час се симнува температурата и после 24 часа пак се појавува истата температура .и така веќе 17 дена инаку дететето е многу активно не покажува знаци на малаксаност или нешто друго. Ве молам за совет бидејќи цело семејство сне загрижени.

    • Д-р Владимир Андреевски

      Почитувана Гордана,

      Покачената температура е нашата најголемата вродена заштита. Температурата претставува одбранбена реакција на организмот и во детстката возраст најчесто настанува при акутни вирусни или бактериски инфекции. Да напоменам дека Парацетамол не се дава на температура 37,2’С и 37,7’С тој се дава над 38’С бидејки темературата преставува одбранбена реакција на организмот, како што е погоре спомнато.

      Во вашиот случај нема место за паника затоа што сите воспалителни маркери што сте ги добиле при анализа на крвта, CRP и леукоцити се во граница на нормала а најважниот параметар е што детето ви е активно скока, трча и нормално јаде. Доколку детето има покачена температура и е болно ќе биде омалаксано, вознемирено, ќе одбива да јаде и впрочем ќе изгледа болно.

      Кај здрави деца во текот на денот постојат мали вариации на нормалната температура. Температурата е најниска во раните утрински часови, а највисока во доцните попладневни часови, по оброк и по физичка активност кога детето е активно скока, трча. Затоа температурата треба да се мери по завршени активности на детето.

      Повторно нагласувам дека нема простор за вознемиреност зашто температурата не е висока, детето е активно и весело, покриено со антибиотик и посетени се двајца специјалисти кои би алармирале доколку има нешто посериозно.

  • Имам страв од храна,кога јадам мислам дека ќе имам болки во желудникот,бидејки пред еден месец имав многу болки во желудникот и сега ми е страв дали може да користам пробиотици за овој проблем што го имам дали пробиотиците ќе ми помогнат да го надминам овој стрес кој што ми доаѓа од храна.Ве молам да кажете однапред Ви благодарам.(можеби малку е чудно ова кај мене или…)

    • Д-р Владимир Андреевски

      Почитуван, доколку континуирано имате проблеми т.е болки во желудникот, најдобро е што побрзо да се консултирате со лекар специјалист и да се направат соодветни испитувања и анализи. Ако се работи за гастритис или чир на желудникот, да навистина, состојбата се влошува особено после консумирање на одредена храна (зачинета,лута итн).
      Инаку, пробиотиците можете секојдневно да ги користите подолг временски период. Го подобруваат варењето на храната и искористувањето на хранливите материи. Се препорачуваат при надуеност, флатуленција (зголемено создавање на гасови), стомачни спазми и воспалителни проемни на цревата. Најдобро е ако се комбинира пробиотик со нане и камилица (Пробаланс капсули) кој има брз ефект во смирување на болките и регулација на дигестијата.

  • Почитуван докторе, имам болки во стомакот, кои на почеток се јавија на горниот дел од стомакот и градниот кош, потоа почнаа да се јавуваат на различни места во стомакот, а во последните денови на долниот дел од стомакот. Имам направено испитување на крвната слика, тероидна жлезда, срце, ренген и снимање на желудникот, и ми кажаа се е во ред освен кила на желудникот. А болки сеуште имам иако внимавам на храната и редовно ја примам терапијата. Дали треба да се снимат цревата и да имам некој посебен режим на исхрана или други испитувања.

    • Д-р Владимир Андреевски

      Вака опишаните тегоби не се доволни за да се даде прецина дијагноза и совет за терапија. Она што е сигурно е дека немате посериозни проблеми со желудникот иако имате потврдена кила. Претпоставувам дека терапијата што ја примате е наменета за килата и проблеми со желудникот и затоа немате подобрување. Добро би било да се знае какво ви е празнењето, односно дали имате редовна столица или пак има периоди на запек или проливести столици и секако дали имате подуеност на стомакот и гасови како придружни симптоми покрај болката. Натаму дали болката олеснува со празнење или не. Важна е и вашата воззраст. Доколку имате помалку од 50 години и немате роднини од најблиското семејство со анамнеза за посериозни стомачни заболувања особено малигни, како што е карцином на дебелото црево, тогаш најверојатно се работи за синдром на нервозно црево. Се разбира треба да се направи дополнителна лабараторија за ЦРП (Ц реактивен протеин) и евентуално тест за скриено крвавење во столицата и рутински ЕХО преглед на стомак. Доколку и овие наоди се уредни, тогаш не се потребни дополнителни испитувања. Но доколку сте над 50 години тогаш по правило треба да се направи скрининг колоноскопија или пак ако имате и алармантни симптоми како што е појава на крв во столицата. Во поглед на исхраната, не постојат строги диететски препораки без потврдена дијагноза, освен да ги избегнувате оние продукти за кои самите забележувате дека ги причинуваат или влошуваат вашите тегоби.

Ваше прашање (7)

Вашата Емаил адреса нема да биде објавена.