Изградете тело за на плажа како Зак Ефрон
За да се појавите во филм како Baywatch навистина треба да имате извајано тело. Актерот Зак Ефрон, познат во своите улоги на тинејџер, најчесто во комедии, со својата последна улога како чувар на плажа, моменталниот филмски хит „Чувари на плажа“ (Baywatch) воодушеви со својот изглед и совршено мускулесто тело. Според неговиот тренер Патрик Марфи, актерот постигнал 5% телесни масти по само 12 недели вежбање.
Тренинг
Неговиот тренер ги поделив вежбите на три дена: грб и бицепс – прв ден, нозе – втор ден и рамена, гради и раце – трет ден. Тајната е во правење 2 сетови на вежби без одмор помеѓу нив. Ваквиот пристап не само што штеди време, туку и му помага на телото да согори повеќе калории и да постигне „напумпан“ изглед. Бидејќи требало не само да изгледа како спасувач на плажа, туку така и да се однесува, во неговиот тренинг имало и вежби за зголемување на брзината и силата. Доколку сакате да го добиете неговиот изглед, погледнете овде.
Исхрана
Неговата исхрана се состоела најмногу од производи од полно зрно, а тој ги комбинирал своите оброци одбирајќи само од овие 5 категории на храна: протеини (пилешки и мисиркини гради, белки од јајца, риба), производи со полно зрно (киноа, интегрален ориз, овес), здрави масти, овошје со многу хранливи влакна (јаболка, круши, боровинки) и зеленчук. Како додаток во исхраната, внесувал сурутка. „По некое време, телото заборава на брза храна и ти се радуваш на здравата храна“, вели Ефрон.
