kako-do-muskuli_image
Споделете со пријателите!

Посакувате мускулесто и тонирано тело? Прво научете ги основите
Мускулите не се создаваат само со вежбање и тоа само со тежински тренинг. Градењето на мускулите започнува многу време пред да влезете во теретана и не завршува кога ќе завршите со вежбањето. Мускули и цврсто тело се градат со водење здрав живот и здрави животни навики. Мускулесто тело е животен стил а не само фаза со временски рок. Тоа зависи видот на вежби ги вежбате, кога ги вежбате, колку спиете, како одмарате, како се храните.

Протеини и јаглехидрати

Протеинот е клучен за мускули. На активните вежбачи им е потребно повеќе протеин, односно според бодибилдинг дефиницијата, треба да внесувате 1 грам протеин на половина килограм телесна маса. Оние што вежбаат прават грешка во тоа што не го пресметуваат вкупниот внес на протеини. Втората работа на којашто треба да се внимава е и видот на протеинот. За добри резултати, потребно е да ги вклучите комплетните извори на протеини: месо, риба, јајца. За посветените, се препорачуваат и протеински прашоци во кои има сурутка која брзо дејствува заради нејзиниот состав кој содржи 16 типови на протеини, 8 минерали, 7 витамини, до 23 амино киселини и до 11 ензими. Воедно, треба да се внесуваат и јаглехидрати иако со ограничен внес доколку целта е да се добие чиста мускулна маса. Јаглехидратите се потребни за да му дадат енергија на телото, коешто во спротивно таа енергија ќе ја земе од протеините.

Редовни оброци и рехидрација

„Вода треба да пиете пред, за време и по вежбањето за да ја зголемите ефикасноста за дури 25 проценти“

Храната не треба да биде само балансирана и да изобилува со протеини, туку треба да биде и честа, поточно треба да внесувате пет до шест помали оброци во текот на целиот ден за да го одржите метаболизмот активен. Исто така, важно е и кога јадете. После вежбање, на мускулите им е потребна храна за да нараснат. Воедно, колку и да вежбате и правилно да се храните, доколку не се рехидрирате, нема да го постигнете посакуваното мускулесто тело. Вода треба да пиете пред, за време и по вежбањето за да ја зголемите ефикасноста за дури 25 проценти.

Прочитајте:  Амбалажата во иднина ќе може да се јаде

Не е сè во тежинскиот тренинг

Она што треба да го знаете е дека најдобрите вежби се оние коишто ги имитираат секојдневните движења. Така што, грешка е да се ограничувате само на подигање тегови. Мускули се создаваат и од вежби како: носење трупци, превртување автомобилски гуми и слично. Ваквите вежби се и многу поинтересни од тежинскиот тренинг.

Задолжителен одмор

За оние коишто активно сакаат да добијат мускули, некогаш знаат да претераат и постојано да вежбаат. На мускулите им треба одмор, но не пасивен одмор, туку активно закрепнување. Тркалање на тврда ролер пена овозможува опуштање, односно длабока компресија на грчевите во мускулите. Ваквиот начин на опуштање нуди релаксирање на мускулите, добар проток на крвта и побрзо закрепнување.


Споделете со пријателите!