Не е важно само да се одлучите да вежбање, треба да научите да вежбате ефективно со цел да согорите повеќе масти
Сте одлучиле да се ослободите од вишокот калории коишто се наталожиле за време на ладните денови? Тоа е одличен избор за вашата фигура но во прв ред – за вашето здравје. Да се започне е важен чекор, но поважно е да знаете како да вежбате, кои вежби да ги одберете согласно со вашата фитнес цел. Фитнес цел значи што сакате да постигнете; дали сакате да се зацврстите, дали само да ослабете или пак сакате да го забрзате метаболизмот, да направите мускули. Кога станува збор конкретно за согорување на масти, не е важно само вежбањето, туку и исхраната. Токму исхраната е една од точките коишто следат во прилог, односно неколку начини како побрзо да ги согорите мастите.
Вежбајте наутро
Ако можете да се навикнете да станувате, утринското вежбање многу ќе придонесе за добивање на посакуваната фигура, но и за одржување на истата. Докажано е дека „утринските „вежбачи не се откажуваат од своите фитнес програми и со тоа одржуваат континуитет во физичката активност. Утринските вежби го будат метаболизмот, кој понатаму во текот на целиот ден активно ќе работи на топењето на калории.
Комбинирајте тежински тренинг со тренинг со висок интензитет
Зошто токму овие видови на вежби? Најпрво, тие штедат време, (особено тренингот со висок интензитет ), добивате поефикасни резултати за пократко време. Најважно за овој вид на вежби е дека тие го забрзуваат метаболизмот. Со тренингот за сила не само што ќе го изгубите вишокот на килограми, туку и ќе ја одржите витката линија. Тоа е заради зголемувањето на отчукувањата на срцето за време на изведување на вежбите. Кога срцето работи побрзо, потребно му е повеќе „гориво“ кое го добива од калориите. Исто така, овој вид на вежби имаат таканаречен „afterburn effect“. Тоа значи дека заради забрзаниот метаболизам, калориите ќе се топат и откако ќе престанете со вежбање. Наједноставно кажано, вежбите со подигање тегови создаваат мускулна маса, што значи долгорочно забрзување на метаболизмот.
Не држете диета
Согорувањето масти и слабеењето не се под еднаков знак со избегнување на храна и измачување на телото со брзи диети. Токму напротив, рестрикцијата на храна го „убива“ метаболизмот кој праќа сигнал до телото дека гладува, а телото одговара со забавување на метаболизмот за да зачува енергија. Јадете повеќе протеини и свежа храна. Во вашата исхрана треба да внесете производи од полно зрно како интегрален ориз, бидејќи овој вид на храна согорува многу калории. Исто така, јадете повеќе нискомаслени млечни производи коишто се богати со калциум и витамин Д, корисни за мускулите а со тоа и за добар метаболизам, пијте зелен чај, консумирајте леќа заради железото што го содржи и лути пиперчиња доколку немате проблем со малку луто.
